130K PUV drivers, tumanggap na ng fuel subsidy sa LTFRB
- Published on May 30, 2022
- by @peoplesbalita
NASA 130,000 driver ng mga pampublikong sasakyan ang nakinabang sa tig-P6,500 na fuel subsidy mula sa pamahalaan.
Ang naturang halaga ay mahigit sa kabuuang P840 milyon na naipalabas dito ng gobyerno.
Ayon sa Land Transportation Franchising and Regulatory Board (LTFRB), patuloy pa rin ang kanilang pamamahagi ng fuel subsidy para mabigyan ng ayuda ang lahat ng PUV drivers.
Nilinaw naman ng militant transport group na Piston na sa 40,000 miyembro nila sa Metro Manila ay may 10 percent pa lamang nito ang nabibigyan ng fuel subsidy.
Umaasa silang madaragdagan pa ito sa mga susunod na araw dahil sa patuloy na pamamahagi ng subsidy ng pamahalaan.
Ang fuel subsidy ay ang naisip ng pamahalaan na ibigay na tulong o ayuda sa mga driver ng pampasaherong sasakyan para mabawasan ang epektong dulot sa kanila ng mataas na halaga ng petroleum products imbes na magtaas sa pasahe.
May kabuuang 264,578 beneficiaries ang nasa ilalim ng programang ito ng pamahalaan sa pamamagitan ng LTFRB. Mayroon namang 27,777 delivery service ang nagbenepisyo na rin sa fuel subsidy sa ilalim naman ng Department of Trade and Industry.
-
Pagbabasbas at pasinaya sa Takino pumping station
PINASINAYAAN at pinabasbasan nina Mayor John Rey Tiangco, at Congressman Toby Tiangco, kasama ang iba pang opsiyal ng pamahalaang lungsod ang bagong bukas na TAKINO pumping station na makakatulong sa mabilis na paghupa ng baha tuwing high tide o kung may bagyo, bilang bahagi pa rin ng ika-17th cityhood anniversary ng Navotas. (Richard Mesa)
-
Pdu30, magso-SONA sa Batasang Pambansa
PISIKAL na ide-deliver ni Pangulong Rodrigo Roa Duterte ang kanyang ika- 5 na State of the Nation Address (SONA) sa Batasang Pambansa sa Hulyo 27. Nauna na itong inanunsyo ni Senate President Vicente “Tito” Sotto III noong nakaraang linggo. “I can confirm for the first time that the President will be physically present in Batasan […]
-
Rice price cap, binawi na ni PBBM
BINAWI na ni Pangulong Ferdinand Marcos Jr. simula Oktubre 4, Miyerkules ang rice price cap. Sa isang panayam, sinabi ng Pangulo na ito na ang tamang panahon para i-lift ang rice price ceiling lalo pa’t namimigay na ng bigas ang pamahalaan. “Yes as of today’s we are lifting the price caps […]