• March 14, 2025
  • Search in People's Balita

  • Ang Diyaryong Pinagkakatiwalaan

 

15 HANGGANG 20 MAMBABATAS PABOR NA GAWING LIGAL ANG MEDICAL CANNABIS

ISINIWALAT ng scientist inventor na si Dr. Richard Nixon Gomez nitong Lunes na 15 hanggang 20 mambabatas pa ang pabor na gawing ligal ang paggamit ng medical cannabis.
Matatandaang ang mga nangunguna sa pagsusulong ng ligalisasyon ng medical cannabis ay sina dating Pangulo at ngayon ay Pampanga Rep. Gloria Macapagal-Arroyo, House Committee on Dangerous Drugs Chairman Congressman Ace Barbers at Congressman Pantaleon Alvarez, at Senador Robinhood “Robin” Padilla.
“Dapat nating gawing ligal ito (medical cannabis), sabi ng karamihan sa mga mambabatas last week,” wika ni Dr. Gomez.
“Mayroon ng compassionate special permit (from FDA), di na kailangang gawing ligal ang medical cannabis, ayon naman sa mga mambabatas,” dagdag ni Dr. Gomez.
Sa Media Health Forum sa Lungsod Quezon, si Dr. Gomez, na president at chief executive officer ng Bauertek Corporation, ay nagsabing siya ay miyembro na ng Technical Working Group sa Joint Committee on Health at Committee on Dangerous Drugs ng Kamara de Representantes ng 19th Congress.
Si Dr. Gomez, na siya ring general manager ng Bauertek Corporation, ay nagsiwalat na sa joint congressional hearing ng House of Representatives last week, ipinunto ng Food and Drug Administration (FDA) na sa mahigit na 1,000 aplikante pagkatapos ng maraming taon, isang aplikante lang ang naaprubahan ng FDA para sa importasyon ng medical cannabis.
Idinagdag nya na ang isang pasyente ay mangangailangang gumastos ng mga 1.7 milyong piso kada taon para sa importasyon ng medical cannabis, subalit walang importer na gagawin ang importasyon para lamang sa isang pasyente.
Ipinaliwanag ni Dr. Gomez na sa United States, ang ligalisasyon ng medical cannabis ay nagsimula sa Sacramento, California na may dalawang ektaryang manufacturing facility. Ang ligalisasyon ng medical cannabis ay isinasagawa sa bawat City o State.
Idinagdag ni Dr. Gomez na “ang multi-milyong-dolyar na pasilidad sa Sacramento ay di kayang makapagsagawa ng Step 7 or culture of medical cannabis — ang pinakamahirap, pero kayang gawin yun ng Bauertek.”
“Libo-libo o milyon-milyong kababayan natin ang ating matutulungan sa pamamagitan ng medical cannabis,” wika ni Dr. Gomez.
“Kapag tinanggal ang THC, di na makaka-high ang medical cannabis at pwedeng ireseta ng ordinaryong doktor at di kailangan ng ‘S2 prescription’ dahil hindi siya nakaka-high o habit forming,” ipinunto ni Dr. Gomez. (PAUL JOHN REYES)
Other News

  • Inamin din na first time na bumili ng Lotto ticket… SHARON, okey na kaya nakapag-dinner at nakanood na sa sinehan

    TAMANG-TAMA lamang ang pagbalik ni Kylie Padilla from her movie shoot of “Unravel” in Switzerland, dahil naka-attend siya ng “GMA Thanksgiving Gala” para sa 72nd Anniversary ng network.     Livestream sa mga social media accounts ng network, inabangan ng mga netizens ang suot ng mga Kapuso stars, Sparkle stars at guests.     Kaya […]

    read more

  • COMMISSIONER GARCIA PANGUNGUNAHAN ANG DEBATE

    PANGUNGUNAHAN ni Commission on Elections (Comelec) Commissioner George Garcia ang komite sa debate ng poll body.     Ito ang inihayag ng komisyuner kahapon, Marso 16.     “I am calling for a meeting of the Debate committee today as the new commissioner in charge,” ayon kay Garcia     Sinabi ni Garcia na imumungkahi […]

    read more

  • Higit 6K mga bata sa Caloocan, Malabon, Navotas at Valenzuela, nakatanggap ng regalo mula kay PBBM

    MAHIGIT 6K mga bata sa Caloocan, Malabon, Navotas at Valenzuela na may edad 5-12 ang nakatanggap ng Christmas gifts mula sa Office of the President “Balik Sigla, Bigay Saya,” Nationwide Gift-Giving Day na program ni Pangulong Ferdinand “Bongbong” Marcos Jr.     Sa Caloocan, 2,000 Batang Kankaloos ang nakatanggap ng mga trolley bag na naglalaman […]

    read more
People's Balita.
All rights reserved. © Copyright 2025.