1st medal posibleng manggaling kay Yulo PUNTIRYA ni world champion Carlos Yulo na maibigay ang unang medalya ng Pilipinas sa 2024 Paris Olympics.
- Published on July 27, 2024
- by @peoplesbalita
Sasalang si Yulo sa men’s individual all-around sa Hulyo 27 na magsisilbing qualifying round para sa tsansang makapasok sa final round.
Idaraos ang final round ng men’s all-around sa Hulyo 31.
Target ni Yulo na makapasok sa Top 3 sa men’s all-around.
Pakay din ni Yulo na makahirit ng tiket sa finals ng men’s floor exercise at men’s vault kung saan ito may pinakamalakas na tsansang makasungkit ng gintong medalya.
May prediksiyon pa ang ilang international group na masusungkit ni Yulo ang gintong medalya sa floor exercise habang pilak naman ang maiuuwi nito sa vault.
Mapapalaban si Yulo sa floor exercise dahil nariyan pa rin si Artem Dolgopyat ng Israel na siyang nakasikwat ng gintong medalya noong Tokyo Olympics.
Magiging tinik din sa daanan ni Yulo si Luke Whitehouse ng Great Britain kasama pa ang ilang pambato ng Japan at China na palaban din sa gintong medalya.
Gayunpaman, handang handa si Yulo na sumabak sa pagkakataong ito kumpara noong Tokyo Olympics.
“This time I can definitely say that I’m healthier mentally and emotionally. I’m more confident to perform better execution,” ani Yulo.
Bantay-sarado rin ang diet ni Yulo para masigurong nasa perkpektong kundisyon ito.
Hindi lamang sa pisikal na aspeto dahil tinututukan din ng team ni Yulo ang mental na usapin.
-
Ads June 23, 2023
-
Messi pinakamayamang football player sa buong mundo – Forbes
Kinilala ng Forbes si Lionel Messi bilang pinakamayamang soccer player sa buong mundo. Ayon sa Forbes, mayroon itong kabuuang yaman na $126 million. million dito ay mula sa kaniyang sahod habang $34 million ay mula sa kaniyang mga endorsements. Nasa pangalawang puwesto naman ang isa pang football superstar na si Cristiano Ronaldo […]
-
John Wall ipinagmalaki ang maitutulong sa bagong team niya na Los Angeles Clippers
IPINAGMALAKI ng veteran na si John Wall na malaki ang maitutulong niya sa kakulangan ng Los Angeles Clippers lalo na sa pagiging point guard. Una nang pumirma si Wall ng 2-year contract sa halagang $13.2 million deal. Inaasahang babandera sa bagong season ng NBA ang Clippers lalo na at babalik na […]