2 TULAK ARESTADO SA DRUG BUY-BUST SA CALOOCAN
- Published on September 18, 2020
- by @peoplesbalita
DALAWANG tulak ng illegal na droga na nasa watch list ang nasakote matapos makuhanan ng P340,000 halaga ng shabu sa isinagawang buy-bust operation sa Caloocan city.
Kinilala ni Caloocan police chief Col. Dario Menor ang naarestong suspek na si Christopher Mendoza alyas Topeng, 37, ng Brgy. 4, Sangandaan at Percival Dela Cruz, 48 ng Kawal St. Brgy. 28.
Ayon kay Col. Menor, alas-3:30 ng hapon nang isagawa ng mga operatiba ng Station Drug Enforcement Unit (SDEU) sa pangunguna ni P/Capt. Deo Cabildo ang buy-bust operation kontra sa mga suspek sa Dagat-Dagatan Ext. cor Torcilio St. Brgy. 28, ng lungsod.
Isang undercover police na nagpanggap na poseur-buyer ang nagawang makapagtransaksyon sa mga suspek ng P40,000 halaga ng shabu.
Nang iabot ng mga suspek ang isang knotted tied plastic bag ng shabu sa poseur-buyer kapalit ng marked money ay agad silang dinamba ng mga operatiba.
Narekober sa mga suspek ang aabot sa 50 gramo ng shabu na nasa P340,000 ang halaga, 1 pc tunay na P,1000 na kasama sa 39 pcs P1,000 na ginamit bilang boodle/buy-bust money at isang kulay green Honda Civic (WAY-742).
Kasong paglabag sa Sec. 5, 11 at 26 Art II ng RA 9165 ang isinampa ng pulisya kontra sa mga suspek sa Caloocan City Prosecutors Office. (Richard Mesa)
-
Halos 6-K police personnel idineploy para tumulong sa relief operations
Nasa 5, 837 tauhan ng PNP mula sa lahat ng rehiyon ang dineploy sa Reactionary Standby Support Force para tumulong sa Relief, Search and Rescue Operations sa mga lugar na sinalanta ng bagyong “Odette”. Ayon kay PNP Chief PGen. Dionardo Carlos, nakapag ligtas ang kanilang mga tauhan ng 1,263 indibidual sa ikinasang 142 rescue […]
-
Pope Francis, isinulong ang civil-union para sa same sex couples
IDINEKLARA ni Pope Francis ang kanyang suporta sa pagsasama ng parehas na kasarian o ang same-sex couples. Sinabi nito na ang mga taong homosexual ay may karapatan din sa pamilya dahil sila ay anak din ng Diyos. Aniya, hindi dapat silang ipagtabuyan o sila ay kutyain. Kailangan lamang ng gumawa ng civil […]
-
Tulong sa mga nasalanta ng baha sa Ifugao, panawagan ng simbahan
NANAWAGAN ng tulong ang Apostolic Vicariate of Bontoc-Lagawe para sa mga pamilya at magsasakang naapektuhan ng baha at pagguho ng lupa sa Banaue. Ayon kay Fr. Apolonio Dulawan, MJ- Social Action Center Director ng Apostolic Vicariate of Bontoc-Lagawe sa kasalukuyan ay nakikipag-ugnayan na sa maliliit na pamayanan para sa mga pangangailan ng mga […]