2 ‘tulak’ isinelda sa P68K droga sa Valenzuela
- Published on March 2, 2024
- by @peoplesbalita
BAGSAK sa kulungan ang dalawang hinihinalang tulak ng ilegal na droga matapos kumagat sa ikinasang buy bust operation ng pulisya sa Valenzuela City, Biyernes ng madaling araw.
Sa report ni Valenzuela police chief P/Col. Salvador Destura Jr. kay Northern Police District (NPD) Director P/BGen. Rizalito Gapas, nagsagawa ang mga operatiba ng Station Drug Enforcement Unit (SDEU) sa pangunguna ni PEMS Restie Mables sa ilalim ng pangangasiwa ni P/Cpt. Ronald Sanchez.
Isang pulis na nagpanggap na buyer ang nagawang makipagtransaksyon sa kanilang target na si alyas “Joel” ng P8,600 halaga ng droga.
Nang tanggapin ni “Joel” ang isang P500 bill marked money na may kasamag 8-pirasong P1,000 boodle money mula sa pulis poseur-buyer kapalit ng isang sachet ng shabu ay agad siyang dinamba ng mga operatiba, kasama ng kanyang kasabwat na si alyas “Archie” dakong alas-2:40 ng madaling araw sa M.H Del Pilar St., Brgy., Malanday.
Ani PEMS Mables, nakumpiska sa mga suspek ang aabot 10 grams ng hinihinalang shabu na nagkakahalaga ng P68,000 at buy bust money.
Kasong paglabag sa sections 5 at 11 under Article II of R.A 9165 (Comprehensive Dangerous Drug Act of 2002) ang isasampa ng pulisya kontra sa mga suspek sa Valenzuela City Prosecutor’s Office. (Richard Mesa)
-
‘Pagkampeon na naman ni Obiena sa Poland, magandang senyales sa pagsabak sa world championships’
ALL SET na sa nalalapit na mas malaking event sa buwan ng Marso ang Pinoy Olympian na si EJ Obiena matapos na magkampeon na naman sa Orlen Copernicus Cup sa Poland. Naghahanda kasi si Obiena para sa prestihiyosong World Indoor Athletics Championships na gaganapin sa Belgrade mula March 18 hanggang March 20. […]
-
Sa kanyang unang concert para sa 2024: ICE, maghahatid ng one-of-a-kind videoke concert experience
ILABAS na ang pagiging superstar, tumungo sa spotlight, at kunin ang songbook at ang mikropono dahil nakatakdang magdala ng si Ice Seguerra ng one-of-a-kind videoke concert experience sa kanyang unang concert ngayong 2024, ang ‘Videoke Hits, ‘ na gaganapin sa Music Museum sa Mayo 10 at 11. Isang selebrasyon ng mga kantang gustung-gusto natin, kasama […]
-
PBBM, nais na gawing ‘perpektong turismo’ ang Pinas, entertainment destination
COMMITTED si Pangulong Ferdinand R. Marcos Jr. na itaas ang Pilipinas bilang ‘premier destination’ para sa turismo, relaxation, at entertainment, na naka-ayon sa pananaw ng Bagong Pilipinas. Sa naging talumpati ng Pangulo sa inagurasyon ng Solaire Resort North sa Bagong Pag-asa, Quezon City, binigyang-diin ni Pangulong Marcos na nakagawa ng ‘impressive recovery’ ang […]