• July 20, 2024
  • Ang Diyaryong Pinagkakatiwalaan

2023 Budget pirmado na ni Mayor

NILAGDAAN na ni Manila Mayor Maria Sheila “Honey” Lacuna-Pangan  ang budget ng pamahalaang lungsod para sa taong 2023 na nagkakahalaga ng P22.2 bilyon, na ang halos kalahati ay nakalaan para sa serbisyong panlipunan at pang-kalusugan.

 

 

“Isinumite natin ito sa Sangguniang Panlungsod at kaagad naman nilang tinalakay, sinuri, pinag-aralang maigi at ipinasa sa kanilang nakaraang regular na sesyon,” pahayag ng alkalde bago isagawa ang seremonya ng paglagda na ginanap sa Bulwagang Katipunan ng Manila City Hall.

 

 

“Ito ang tanda ng ating sama-samang pangarap tungo sa mas magandang buhay para sa ating mga kapwa Manilenyo,” dagdag pa ng alkalde.

 

 

Sinabi pa ng kauna-unahang babaeng alkalde sa kapitolyo ng bansa na ang paglagda, na una niyang nagawa mula nang manungkulan siya noong Hunyo 30, 2022 ay sumasalamin sa kaniyang mithiing makapagbigay ng pinakamahusay na serbisyong pangkalusugan upang higit na mapaganda at mapabuti ang kanilang pagkakaloob ng Social Amelioration Program (SAP) tulad ng allowances sa mga lolo at lola, persons with disabilities (PWDs) at solo parent, gayundin sa lahat ng mga mag-aaral sa Universidad De Manila, sa Pamantasan ng Lungsod ng Maynila (PLM) at senior high school students sa mga pampublikong paaralan sa lungsod.

 

 

Kabahagi rin aniya dito ang kanilang prayoridad sap ag-iingat sa likas na yaman at pagsisikap na magkaroon ng malinis at luntiang kapaligiran. .” At siyempre, pinaglalaanan din natin ng pondo ang mga programang may kaugnay sa pagtitiyak ng kapayapaan, kaayusan, at kaligtasan ng bawa’t isang Manilenyo,” sabi pa ng alkalde.

 

 

Nakapaloob din aniya sa taunang budget ang mga programa at proyekto na kaugnay sa pagpapatupad ng Universal Health Care Acts at iba pang mga serbisyo na kanilang ini-aalay para sa mga mamamayan, lalu na sa mga kapuwa Manilenyo na higit na nangangailangan ng kalinga.

 

 

Inihayag pa ni Mayor Lacuna-Pangan na kabilang ding tutustudan ang pagsasa-ayos ayos ng iba’t-ibang health centers sa lungsod, pagpapatayo ng Crisis intervention Center for Women and Children, pagdaragdag ng mga imprastaktura at pasilidad sa Manila Boystown Complex at pagpapagawa ng mga City Libraries na daragdagan ng mga multi-purpose at multi-functional facilities para sa pangangailangan ng iba’t-ibang sektor ng lungsod.

 

 

“Ang mga programa at proyektong ito ay ilang lamang sa mga mahahalagang bagay na nilalayon nating maging epektibong instrumento ng panibagong simula at paghahatid ng panibagong pag-asa sa ating mga kababayan,” sabi pa ng alkalde.

 

 

Kasama ng alkalde sa ginawang paglagda sina Vice Mayor John Marvin “Yul Servo” Nieto, Majority Floorleader Councilor Ernesto Isip, Jr., Minority Floorleader at 6th District Councilor na siya ring chairman ng Committee on Appropriation Councilor Salvador Philip Lacuna, mga miyembro ng Local Finance Committee na kinabibilangan nina Secretary to rhe Mayor Atty. Marlon Lacson, City Budget Officer Grace Chua, City Treasurer Jazmin Talegon, at City Accountant Jonathan Galorio, 5th District Congressman Irwin Tieng at mga miyembro ng 12th City Council sa seremonya ng paglagda. (BISHOP JESUS “JEMBA” M. BASCO)

Other News
  • Mahigit P11M halaga ng tulong, naipamahagi na sa mga biktima ng lindol sa Mindanao

    NAIPAMAHAGI  na ng Department of Social Welfare and Development (DSWD) ang mahigit sa  P11 milyong halaga ng  tulong sa mga pamilya na labis na naapektuhan ng malakas na lindol na tumama sa ilang bahagi ng Mindanao, araw ng Biyernes.     Sa katunayan, tinatayang may 1,1015 benepisaryo ang nakatanggap ng  food packs sa munisipalidad ng […]

  • Alas may alam din sa bantahan ng laro

    ISANG bukas na aklat din para kay Francisco Luis (Louie) Alas ang bentahan ng laro o game fixing sa Philippine basketball.   Naging coach siya national men’s basketball team sa ilang international competition gaya ng Southeast Asian Games o SEA Games at South East Asian Basketball Association o SEABA Championship for Men, sa Philippine Basketball […]

  • DAGDAG SAHOD, PINAPAG-ARALAN

    BINABANTAYAN  ngayon ng Regional Tripartite Wages and Productivity Boards (RTWPBs) para makita kung kailangan ng panibagong dagdag sahod sa gitna ng pare-parehong pagtaas ng halaga ng mga pangunahing bilihin, ayon kay Labor Secretary Bienvenido Laguesma nitong Martes.     Kasunod ito ng panawagan ng Partido Manggagawa ng P100 across-the-board na pagtaas sa minimum wage sa […]