28M Pinoy, nananatiling hindi pa bakunado laban sa COVID-19
- Published on January 13, 2022
- by @peoplesbalita
TINATAYANG umaabot pa sa 28 hanggang 30 milyong Filipino ang hindi pa bakunado laban sa COVID-19.
Sinabi ni Acting Presidential Spokesperson at Cabinet Secretary Karlo Nograles na kabilang sa numerong ito ang 3 milyong senior citizens o nasa edad na 60 pataas.
Dahil dito at sa patuloy na pagtaas ng bilang ng kaso ng COVID-19 cases sa gitna ng presensiya ng mas nakahahawang Omicron variant, umapela si Nograles sa publiko na magpabakuna na at mag- avail ng booster shot matapos ang tatlong buwan ng kanilang second dose para sa two-dose ng COVID-19 vaccine at dalawang buwan matapos ang one-dose Janssen vaccine.
“All vaccines work, regardless of the brand,”ayon kay Nograles.
“Why do we need the vaccine and the booster when we could still get infected with it after? The protection that the vaccines provide comes not just in the form of reducing the likelihood of infection but also risk of developing severe symptoms,” dagdag na pahayag nito.
Tinatayang mayrooong 52.8 milyong Filipino na ang fully vaccinated laban sa COVID-19. Sa bilang na ito, mayroong 3.5 milyon ang nakakuha na ng kanilang booster shot.
Sa isang panayam, sinabi naman ni vaccine czar Carlito Galvez Jr. na maaaring i-extend ng gobyerno ang pagbibigay ng primary doses ng COVID-19 vaccine ng hanggang fourth dose.
Tinukoy ang inihayag ng Vaccine Expert Panel, sinabi ni Galvez na maaaring kailanganin ng mga tao ang five doses ng bakuna kabilang na ang booster shot — para makamit ang full immunity laban sa COVID-19.
Sa kasalukuyan, nagbibigay ang pamahalaan ng third doses sa mga senior citizens at immunocompromised individuals, habang ang booster shots naman ay ibinibigay sa mga kompleto na ang primary doses. (Daris Jose)
-
CELEBRATE IMAGINARY FRIENDS IN THE TRAILER FOR FANTASY COMEDY “IF,” JOHN KRASINSKI’S DIRECTORIAL FOLLOW-UP STARRING RYAN REYNOLDS
WHAT if everything you believed in as a kid was real? From the imagination of John Krasinski, enter a world you have to believe to see. Written and directed by Krasinski and featuring a star-studded cast that includes Ryan Reynolds, Krasinski, Steve Carell, Matt Damon, Jon Stewart, Phoebe Waller-Bridge, Emily Blunt, Maya Rudolph, Sam Rockwell, […]
-
4 opisyal, pinakakasuhan ng Blue Ribbon Committee sa sugar importation fiasco
INIREKOMENDA ng Senate Blue Ribbon Committee ang pagsasampa ng administrative at criminal charges laban sa isang Agriculture official at tatlong Sugar Regulatory Administration (SRA) officials kaugnay sa kontrobersyal na Sugar Order No. 4. Kabilang sa mga pinakakasuhan sa Office of the Ombudsman sina Agriculture Undersecretary Leocadio Sebastian, SRA administrator Hermenegildo Serafica, dating Sugar […]
-
PALENGKE, GROCERY SA NAVOTAS, ISASARA TUWING LUNES
DAHIL sa pagdami ng mga nahawaan ng COVID-19, isasara tuwing Lunes ang mga public market, grocery, at talipapa sa Navotas para sa general cleaning at disinfection, base sa Executive Order No. TMT-016 na nilagdaan ni Mayor Toby Tiangco. Aniya, ang mga lugar at establisimiyentong ito ay nananatiling puntahan ng maraming tao kaya mahalagang […]