34M SIM, naka-rehistro na sa telcos-DICT
- Published on February 23, 2023
- by @peoplesbalita
TINATAYANG umabot na sa 34 milyong SIM sa buong bansa ang nakarehistro na ngayon sa kani-kanilang public telecommunications entities (PTEs).
Ayon kay Department of Information and Communications Technology (DICT), Undersecretary Anna Mae Yu Lamentillo, may kabuuang 34,483,563 SIM na ang nakarehistro “as of February 19”, sinasabing 20% lamang ito ng 168,977,773 SIM sa buong bansa.
Kabilang na rito ang 17.7 milyong subscribers ng Smart Communications Inc.; Globe Telecom Inc. na may 14.172 milyon, at DITO Telecommunity Corp. na may 2.61 milyon.
“Patuloy ang paghihikayat natin sa lahat ng gumagamit ng SIM at eSIM na magparehistro na po kayo. Wala pong exempted sa SIM Registration Law,” ayon kay Lamentillo sa Laging Handa public briefing.
“Pagkatapos ng implementation period at hindi nairegister ang inyong SIM card, hindi ninyo na po magagamit ang inyong SIM,” dagdag na wika nito.
Nauna rito, sinabi ni Lamentillo na plano ng DICT na palakasin ang pagsisikap nito na hikayatin ang mas marami pang users na iparehistro na ang kanilang SIM cards, kasunod ng mabagal na pagkakatala sa implementasyon ng “prescribed registration period.”
“Ang aming information campaign ay walang tigil at ngayon ay nasa grassroots na,” ani Lamentillo.
Sa ilalim ng SIM Card Registration Act, obligado ang publiko na may cellphone at gumagamit ng sim cards na magparehistro.
Sinumang hindi magrerehistro sa itinakdang panahon ay otomatikong madi-deactivate ang sim card.
Samantala, mayroon lamang 180 days o hanggang Abril 26, 2023 ang mga subscribers para makapagparehistro ng kanilang pre-paid at post-paid sim card upang hindi ito ma-deactivate sa susunod na taon.
Naging epektibo naman ang implementing rules and regulations ng SIM Card Registration Act noong Disyembre 27, matapos na tintahan ni Pangulong Ferdinand Marcos Jr. ang nasabing batas noong Oktubre ng nakaraang taon. (Daris Jose)
-
Hirit ng netizens, pagsamahin sa movie o teleserye: HEART at JERICHO, sobrang kinakiligan ang muling pagkikita
SA Instagram ni Heart Evangelista pinost niya ang mga photos na kuha sa mini get together na kung saan reunited sila ng dating boyfriend at ka-loveteam na si Jericho Rosales. Kasama nina Heart at Echo ng ilang mga kaibigan at kapwa mga Star Magic babies na sina Piolo Pascual, Bea Alonzo, Diether Ocampo, […]
-
Pinas may ‘local transmission’ na ng Delta variant
Sinang-ayunan na ng Department of Health (DOH) ang opinyon ng ekspertong si Dr. Rontgene Solante na posibleng mayroon nang ‘local transmission’ ng mas mapanganib na Delta variant ng COVID-19 sa Pilipinas. Ayon kay Health Undersecretary Maria Rosario Vergeire, bagama’t kalat-kalat ang mga natuklasang Delta variant cases, nagpatupad na agad sila ng reaksyon para […]
-
Go, nangakong muling ihahain ang batas na magbabalik sa death penalty para sa ilegal na droga, pandarambong
HANDA si Senador Christopher “Bong” Go na muling ihain ang batas na magbabalik sa death penalty para sa ilegal na droga at pandarambong sa susunod na Kongreso. Matatandaang isinulong ni Go ang Senate Bill No. 207, na naglalayong muling ibalik ang death penalty, noong Hulyo 2019. Subalit, nabigo namang maipasa ang […]