38K doses ng AstraZeneca vaccines mula COVAX, dumating na sa Pilipinas
- Published on March 8, 2021
- by @peoplesbalita
Dumating na sa Pilipinas ang 38,400 doses ng COVID-19 vaccine na gawa ng British-Swedish company na AstraZeneca nitong Linggo.
Alas-6:44 nitong gabi nang lumapag sa Ninoy Aquino International Airport (NAIA) Terminal 3 ang KLM commercial flight na may dala sa ikalawang batch ng bakuna mula inisyatibo ng World Health Organization (WHO).
Ang 38,400 doses ang kukumpleto sa 525,600 doses na unang alokasyon ng COVAX facility para sa Pilipinas.
Kung maaalala, noong Huwebes, March 4, nang unang dumating ang 478,200 doses ng AstraZeneca vaccines.
“Itong pinangako sa ating first tranche na 525,600, itong (38,400) yung naiwan kasi commercial flight ito. Yun lang ang magkakasya sa cargo bay (487,200),” ani Vaccine czar Carlito Galvez.
“Ito yung kakulangan (38,400),” dagdag ng opisyal.
Una nang sinabi ni Galvez na hindi na sasalubungin ni Pangulong Rodrigo Duterte ang pagdating ng ikalawang batch ng mga bakuna. Makakasama na lang niya si National Task Force against COVID-19 deputy chief implementer Vince Dizon.
Una nang sinabi ng WHO na 4.5-million doses ng British-Swedish vaccine ang inaasahang makakarating sa bansa hanggang sa buwan ng Mayo. (Daris Jose)
-
P8-M halaga ng food packages, tulong ng China sa mga sinalanta ng bagyong Odette
Nagpaabot ng tulong ang China sa mga sinalanta ng Bagyong Odette sa Pilipinas. Ayon kay Chinese Ambassador to the Philippines Huang Xilian, naghatid ng 20,000 food packages ang China na nagkakahalaga ng P8 million sa iba’t ibang probinsya sa bansa na hinagupit ng naturang bagyo. Kabilang na aniya rito ang probinsya […]
-
Marcial solong sasabak sa Asian Championships
Tanging si Eumir Marcial lang ang Olympian na masisilayan sa Asian Elite Boxing Championships na idaraos sa Mayo 21 hanggang Hunyo 1 sa Dubai, United Arab Emirates. Ito ang inihayag ni Marcial kung saan hindi magpapartisipa ang mga kapwa Tokyo Olympics qualifiers na sina Nesthy Petecio, Irish Magno at Carlo Paalam. “Ako lang […]
-
GSIS, hinikayat ang mga pensioner na gawing online ang transaksyon sa ahensya
NANAWAGAN ang Government Service Insurance System (GSIS) sa mga pensiyonado ngayong panahong ng pandemya. Sa Laging Handa public briefing, sinabi ni GSIS VisMin Operations Group Vice President Vilma Fuentes, na layon ng kanilang panawagan na himukin ang lahat ng mga pensyonado na gawing online ang kanilang mga transaksiyon, gaya ng Annual Pensioners Information Revalidation […]