39 NSAs sigurado ang pondo para sa SEAG
- Published on March 20, 2021
- by @peoplesbalita
Maghihigpit ng sinturon ang Philippine Sports Commission (PSC) sa paglalabas ng pondo para sa mga National Sports Associations (NSAs).
Sa ngayon, tanging 39 NSAs lamang ang inaprubahan ng PSC na makatatanggap ng pondo mula sa government sports agency.
Ito ay ang mga NSAs na sasabak sa 31st Southeast Asian Games na idaraos sa Nobyembre 21 hanggang Disyembre 2 sa Hanoi Vietnam.
Nangunguna sa listahan ang athletics, arnis at dance sport na humakot ng gintong medalya sa nakalipas na SEA Games na ginanap sa Pilipinas.
Bagama’t hindi kasama ang arnis sa Vietnam SEA Games, kasama ito sa popondohan ng PSC dahil ito ang national sport ng bansa.
Pasok din ang boxing, gymnastics at weightlifting na pare-parehong may pambato sa Tokyo Olympics na idaraos sa Hulyo sa Japan.
Ipaparada ng boxing sina Eumir Felix Marcial at Irish Magno habang aariba rin si world champion Carlos Edriel Yulo ng gymnastics.
Isang torneo na lamang ang kailangang puntahan ni Rio Olympics silver medalist Hidilyn Diaz – ang Asian Weightlifting Championship sa Uzbekistan – para makapasok sa Tokyo Olympics.
Kwalipikado na rin si SEA Games record-holder EJ Obiena na mula sa athletics.
Maliban sa mga nabanggit na sports, nasa listahan din ng PSC ang aquatics, taekwondo, fencing, wushu, chess, canoe-kayak, basketball, volleyball, football, handball, triathlon, esports, judo, pencak silat, shooting, karate, rowing, wrestling, kickboxing, muay thai, bodybuilding, billiards and snooker, tennis, golf, archery, badminton, bowling, jiu-jitsu, sepak takraw, vovinam, fin swimming, cycling at table tennis.
Sariling gastos ang magiging sitwasyon ng mga hindi nakasama sa 39.
Ngunit hindi naman dapat mawalan ng pag-asa ang mga NSAs na hindi nabanggit dahil posible silang madagdag sa listahan sa oras na muling magsagawa ng review ang PSC.
-
Simula ngayong Nobyembre: DepEd, pinayagan ang 52 public schools na ipagpatuloy ang blended learning
PINAYAGAN ng Department of Education (DepEd) ang naging kahilingan ng 52 public schools na ipagpatuloy ang blended learning methods sa kabila ng naging kautusan ng departamento na pagpapatuloy ng face-to-face classes simula ngayong buwan ng Nobyembre. May ilang eskuwelahan kasi ang tumaas ang bilang ng mga estudyante habang nagkulang naman ang mga silid-aralan. Hinihintay naman […]
-
Eala may parangal sa PSA
KABILANG sa talaan ng mga young at promising athlete ng SMC-PSA (Philippine Sportswriters Association) Annual Awards Night ang rising tennis star na si Alexandra Eala. Pasok ang 14-anyos sa 10 atleta na kikilalanin bilang 2019 Tony Siddayao awardees sa nasabing pagtitipon sa Marso 6 sa Centennial Hall ng Manila Hotel. Ipinagkakaloob ang parangal […]
-
First time na magkasama sa isang project: DONNY, naging dahilan para pumayag bumalik sa pelikula si MARICEL
MAGKASAMA sa unang pagkakataon sa isang proyekto ang mag-ina na sina Maricel Laxa at Donny Pangilinan. Sa pelikulang ‘GG’ (Good Game) ng Mediaworks Inc., Cignal Entertainment at Create Cinema. Piling-pili lang ang mga proyektong tinatanggap at ginagawa ni Maricel. At nang matanong nga ito sa naging mediacon ng GG, ang mga anak ang itinurong dahilan kung […]