• July 5, 2024
  • Search in People's Balita

  • Ang Diyaryong Pinagkakatiwalaan

 

4 huli sa aktong nagtatransaksyon ng ilegal na droga sa Caloocan

KULONG ang apat na hinihinalang drug personalities, matapos mahuli sa akto ng mga pulis na nagtatransaksyon umano ng ilegal na droga sa magkahiwalay na lugar sa Caloocan City.
Ayon kay Caloocan police chief P/Col. Ruben Lacuesta, habang nagsasagawa ng Oplan Galugad sa Brgy. 8 ang mga tauhan ng Sub-Station 4 ng Caloocan police sa ilalim ng pangangasiwa ni PCpt Ronald Allan Soriano dakong alas-12:05 ng madaling araw nang makatanggap sila ng impormasyon mula sa isang concerned citizen hinggil sa tatlong lalaki na nagsasagawa ng illegal drug transaction sa Salmon Street.
Agad pinuntahan ng mga pulis ang nasabing lugar kung saan naaktuhan nila ang mga suspek na nagtatransaksyon ng ilegal na droga subalit, nang mapansin ang kanilang presensya ay nagtakbuhan ang mga ito.
Hinabol sila ng mga pulis hanggang sa maaresto nina PCpl Ben Jay Catequista at PCpl Robert Louis Masalihit sina Raul Pilipil alyas Nognog, 40, pedicab driver at Rhojan Ericher Ferrer, 18, habang nakatakas naman ang isa pang suspek.
Nakumpiska sa mga suspek ang tig-isang heat sealed transparent plastic sachet na naglalaman ng hinihinalang shabu na nasa Php 4,080.00 ang halaga.
Nauna rito, naaresto naman ng mga tauhan ng Sub-Station 8 ng Caloocan police na nagsasagawa ng Oplan Galugad sa Capricorn Street, Maria Luisa Subdivision, Barangay 177, dakong ala-1:15 ng madaling araw sina Jayflord Alcantara, 44 at Manolito Pascua, 50, construction worker matapos maaktuhan nagtatransaksyon ng ilegal na droga habang nakatakas ang hindi kilalang kasabwat ng mga ito.
Nang kapkapan, nakuha sa mga suspek ang dalawang heat sealed transparent plastic sachets na naglalaman ng aabot 1.2 grams ng hinihinalang shabu na may standard drug price P16, 320.00.
Pinuri naman ni Northern Police District (NPD) Director PBGen Ponce Rogelio Penones Jr, ang Caloocan police sa pamumuno ni Col. Lacuesta sa kanilang pagsisikap para maaresto ang mga taong sangkot sa pagpapakalat ng ilegal na droga. (Richard Mesa)
Other News

  • VP Sara umayaw na sa confidential fund

    HINDI  na ipipilit pa ng Office of the Vice President (OVP) ang pagkakaroon o pag­hingi ng confidential funds para sa Office of the Vice President (OVP) at sa Department of Education (DepEd) para sa 2024.     Ito ang kinumpirma kahapon ni VP Sara sa isang pahayag na ipinaskil sa kanilang social media pages.   […]

    read more

  • HEART, biglang nag-iba ang mood nang matanong sa pagkakaroon ng anxiety attack

    NAG-WORRY ang maraming netizen na nanonood ng Instagram Live ni Heart Evangelista-Escudero dahil bigla itong nag-hyperventilate.     Dahil nakaramdam ng biglaan anxiety si Heart, pinutol nito ang kanyang IG Live at nagpahumanhin sa mga nanonood sa kanya.     “I think I have to go. I need to calm down. I don’t like talking […]

    read more

  • Mga simbahan agad na tumugon sa ‘di pagsasagawa ng misa sa loob ng 2 weeks

    Agad na tumugon ang lahat ng mga simbahan sa National Capital Region, Bulacan, Cavite, Laguna at Rizal sa panawagan ng gobyerno na itigil muna ang pagsasagawa ng misa simula Marso 22 hanggang Abril 4.     Ang mga simbahan sa nabanggit na lugar ay nag-post ng mga advisory sa kanilang mga social media pages para […]

    read more
People's Balita.
All rights reserved. © Copyright 2024.