4 suspek sa Degamo slay, ‘kakanta
- Published on March 9, 2023
- by @peoplesbalita
NAGPAHAYAG ng kahandaang magsalita at makipagtulungan ang apat na nadakip na suspek sa pagpatay kay Negros Oriental Gov. Roel Degamo at walong iba pa.
Kamakalawa ay naibiyahe na patungong Maynila ang mga suspek at nakatakdang ipasok ng Department of Justice (DOJ) sa Witness Protection Program (WPP).
Unang dinala sa kustodiya ng National Bureau of Investigation (NBI) ang dalawa sa mga suspek na nagpahayag ng intensyon na maging saksi ng gobyerno habang naiwan sa Philippine National Police (PNP) ang dalawa pa.
“However, early this afternoon, the remaining two respondents likewise expressed their intention to cooperate. Thus, the PNP and NBI have agreed to the turnover of the remaining two respondents,” ayon kay DOJ spokesperson Mico Clavano.
Nasa beripikasyon pa rin ang mga pahayag ng mga respondents habang hindi pa nakukumpirma ang tunay na motibo sa pagpaslang kay Governor Degamo at sa walo pa.
Kaugnay nito, sinampahan na ng tatlong bilang ng Murder at Frustrated Murder sa Tanjay, Negros Oriental Regional Trial Court ang mga suspek. Nagsampa rin ang pamahalaan ng hiwalay na kaso ng illegal possession of firearms, ammunitions, and explosives.
Kabilang sa mga kinasuhan sina Joric Garido Labrador, Joven Calibjo Javier, Banjie Buladola Rodriguez, Osmundo Rojas Rivero at 12 pang hindi nakikilala.
Patuloy na nananawagan ang DOJ at DILG sa publiko na may impormasyong makakaresolba sa kaso na makipag-ugnayan sa kanila upang mapabilis ang paghahatid ng hustisya sa mga biktima.
Samantala, sinampahan kahapon ng kasong multiple murder ng PNP-Criminal Investigation Group sa DOJ si Negros Oriental Rep. Arnolfo Teves Jr. at limang iba pa kaugnay ng mga umano’y patayang nangyari sa lalawigan noong 2019.
Batay sa reklamong inihain ng PNP-CIDG, sina Teves ay sinasangkot sa pamamaslang umano noong Marso 25, 2019 malapit sa Siliman Medical Center, sa Dumaguete City; Sitio Labugon, Brgy. Nago-alao, Basay, Negros Oriental, Mayo 26, 2019; at sa Brgy Malabugas, Negros Oriental, Hunyo 23, 2019. (Daris Jose)
-
Pilipinas kabilang sa mga bansa na may mataas na ‘income inequality’ ayon sa World Bank
LUMABAS sa pag-aaral ng World Bank na sa kabila ng pagbaba ng kahirapan sa Pilipinas, nananatiling mataas ang income inequality sa bansa. Bumagsak ng two-thirds or 66 percent ang kahirapan sa Pilipinas. Ang income inequality ng bansa ay sinusukat gamit ang Gini coefficient, na sumusubaybay sa pagkakaiba sa pagitan ng wealth […]
-
Presyo ng itlog sa ibang bansa, tumaas din—DA
SUMIRIT din ang presyo ng itlog sa ibang bansa. Dahil dito, sinabi ng Department of Agriculture (DA) na hindi “exclusive” para sa Pilipinas ang pagtaas ng presyo ng itlog kundi ito’y kasalukuyang global issue. Base sa pinakabagong data ng DA, sa kanilang price monitoring , makikita rito na ang medium-sized eggs […]
-
DAGDAG na naman na BABAYARAN sa DRIVER’s STUDENT PERMIT
Mula sa Agosto 3 ay mandatory na sa mga kumukuha ng student permit para sa driving na mag undergo ng “at least 15 hours” na theoretical course mula sa mga LTO accredited driving schools o sa Drivers Education Centers ng LTO. Ang paniwala ng LTO ay sa ganitong paraan “mas magiging disiplinado at courteous” […]