4 TIMBOG SA DRUG BUY BUST SA CALOOCAN, VALENZUELA
- Published on July 8, 2021
- by @peoplesbalita
APAT na hinihinalang sangkot sa illegal na droga kabilang ang isang online seller ang arestado sa magkahiwalay na buy bust operation ng pulisya sa Caloocan at Valenzuela Cities.
Ayon kay Caloocan police chief Col. Samuel Mina Jr, nakatanggap ang mga operatiba ng Station Drug Enforcement Unit (SDEU) ng impormasyon mula sa isang Regular Confidential Informant (RCI) hinggil sa umano’y pagbebenta ng illegal na droga ni Miguel Cantos, alyas “Migs”, 20, (Pusher) kaya isinailalim ito sa isang linggong validation.
Nang makumpirma ang ulat, isinagawa ng mga operatiba ng SDEU sa pangunguna ni PMAJ Deo Cabildo, kasama ang 6th MFC RMFB-NCRPO ang buy bust operation sa C4 Road, Brgy. 49, Caloocan City na nagresulta sa pagkakaaresto kay Cantos, kasama si Justin Merdigia, 28, online seller dakong alas-2 ng madaling araw.
Narekober sa mga suspek ang tinatayang nasa 400 grams ng hinihinalang pinatuyong dahon ng marijuana with fruting tops na may standard drug price P48,000.00, buy bust money na 1 tunay na P500 bill at 4 pirasong P1,000 boodle money at isang kulay puting Toyota Rush.
Dakong alas-5 naman ng Miyerkules ng madaling nang maaresto din ng mga operatiba ng Valenzuela Police SDEU sa pangunguna ni PLT Joel Madregalejo sa ilalim ng pamumuno ni P/Col. Ramchrisen Haveria Jr, sa buy bust operation sa A. Fernando St., Brgy. Marulas, Valenzuela city si Ariel Laureta, 50, welder, at kanyang pinsan na si Arthur Laureta, 47, welder.
Ani SDEU investigator PCpl Christopher Quiao, narekober sa mga suspek ang humigit-kumulang sa 5 grams ng hinihinalangs shabu na may standard drug price P34,000, P500 buy bust money, smart phone at coin purse. (Richard Mesa)
-
ALDEN, inamin na ang character sa ‘TWBU’ ang pinaka-special kaya nahihirapang bumitaw
MAY pa-surprise si Cassy Legaspi sa kanyang kakambal na si Mavy Legaspi. Laging emotional si Carmina Villarroel sa tuwing magla-lock-in taping ang mga anak niya. Talagang kahit ikalawa, ikatlong beses na magla-lock-in ang mga ito, hindi pa rin niya mapigil ang pag-iyak. Dumating na si Mavy mula sa lock-in taping ng […]
-
Fernando, tiniyak na kontrolado ang ASF sa Bulacan
LUNGSOD NG MALOLOS – Matapos ipahayag ng Pamahalaang Panlalawigan ng Aurora ang pagpapatupad ng pork ban mula sa Bulacan, Pampanga at Tarlac, tiniyak ni Gob. Daniel R. Fernando sa mga Bulakenyo lalo na ang mga nag-aalaga ng baboy na kontrolado na ang kaso ng African Swine Flu (ASF) sa lalawigan. Naglabas ang Pamahalaang […]
-
Dept. of Energy muling iginiit na paiigtingin ang implementasyon ng LPG Law
MULING iginiit ng Department of Energy (DOE) na kanilang paiigtingin ang pagpapatupad sa LPG Industry Regulation Act o ang Republic Act No. 11592. Nangako naman si Energy Secretary Raphael Lotilla na suportado ng Department of Energy (DOE) na mapatupad ang LPG Law. Ginawa ng kalihim ang pangako sa pulong kasama ang mga miyembro ng liquefied petroleum gas (LPG) industry kabilang […]