40 days na pagdarasal para sa halalan inilunsad ng CBCP

INILUNSAD ngayong araw ng Caritas Philippines, ang social arm ng Catholic Bishop Conference of the Philippines (CBCP) ang “I Vote God” ang “40 days of Prayer and Discernment” para sa May 9, 2022 elections.

Layon ng nasabing programa ay para gabayan ang mga botante ganon din ang mga mananampalataya sa tamang pagpili ng mga kandidato.

Pinangunahan ni Monsignor Antonio Labiao Jr., ang executive secretary ng Caritas Philippines kasama si Fr. Victor Carmelo Diola ang chairman ng Dilaab Philippines, isang non-profit organization na nagsimula pa noong 2000 na naglalayon sa pagtulong sa mga mahihirap na mamamayan.

Nagbigay din ng mga virtual messages sina Bishop Colin Bagaforo ng Diocese ng Kidapawan at ang national director ng Caritas Philippines, ganon din si Catholic Bishop Conference of the Philippines president at Bishop Pablo Virgillo David.

Sinabi ni Father Labiao na kanilang iikutin ang mga parishes sa bansa para hikayatin ang mga tao sa tamang paraan ng pagpili.

Hindi aniya sila titigil sa pagsusulong ng tamang pagpili ng nararapat na kandidato sa halalan.

“Ang importante na ang voters natin makilala nila nang lubos kung sino ‘yong mga kandidato para hindi lang tayo nagboboto dahil inutusan tayong bumoto at dahil lang nakuha natin sa social media,” ani Father Labiao.