4,084 bagong pasyente na tinamaan ng COVID-19 sa PH; 21 labs bigong magsumite ng datos sa DOH
- Published on January 5, 2022
- by @peoplesbalita
Maraming mga COVID laboratory ang nabigong makapagsumite ng kanilang mga datos na umaabot sa 21 dahil sa pagiging holiday nitong nakalipas na wekeend.
Meron ding dalawang mga laboratoryo ang hindi operational.
Kaya naman ang datos sa bagong mga kaso na nahawa sa coronavirus sa boung Pilipinas sa daily tally ng Department of Health (DOH) ay mas mababa kumpara sa nakalipas na araw ng Linggo na 4,600.
Naitala ng DOH ang nadagdag na bilang ng mga pasyente sa 4,084.
Ang kabuuang mga dinapuan ng COVID-19 sa Pilipinas mula noong nakaraang taon ay umaabot na sa 2,855,819.
Samantala, mayroon namang naitalang 497 na mga bagong gumaling.
Ang mga nakarekober sa virus ay umaabot na sa 2,779,241.
Habang may nadagdag na 16 na mga pumanaw na pasyente.
Ang death toll sa bansa dahil sa deadly virus ay umaabot na sa 51,586.
Nagpaliwanag naman ang DOH na batay sa datos sa nakaraang 14 na araw, ang kontribusyon ng nabanggit na 23 laboratoryo ay humigit kumulang 5.1% sa lahat ng samples na nai-test at 5.2% sa lahat ng positibong mga indibidwal.
Iniulat naman ng ilang eksperto na napansin ang patuloy na pagtaas ng ICU bed occupancy sa NCR na ngayon ay nasa 29 percent, samantalang noong December 26 ng nakalipas na taon ay nasa 17 percent lamang. (Daris Jose)
-
Public schools bilang isolation centers ikinakasa na
Unti-unti nang ginagawang mga isolation center ang mga pampublikong paaralan sa Metro Manila para sa mga pasyenteng may coronavirus disease 2019 o COVID-19, ayon sa Malakanyang. Ayon kay Presidential Spokesperson Harry Roque, hinihintay na lamang ng pamahalaan ang pagpapasa sa Bayanihan 2 dahil kabilang dito ang pagpapagawa ng mga paaralan. “We are now […]
-
Bulacan, sinimulan ang pagbabakuna sa mga tourism frontliner
LUNGSOD NG MALOLOS- Sinimulan na ng Pamahalaang Panlalawigan ng Bulacan sa pangunguna ni Gobernador Daniel R. Fernando sa pamamagitan ng Provincial History, Arts, Culture, and Tourism Office at Provincial Health Office ang pagbabakuna sa mga manggagawa sa turismo kabilang ang mga manggagawa ng pelikula, historyador, mananaliksik, mga grupo sa sining at kultura, tour guides, samahan ng turismo, […]
-
Organizer ng Beijing Winter Olympics hindi na magbebenta ng tickets
TULUYAN ng kinansela ng China ang plano nito na magbenta ng tickets sa publiko para sa Winter Olympics. Ito ay dahil sa patuloy ang pagtaas ng kaso ng COVID-19 kung saan natiala ang mataas na bilang sa Biejing. Ayon sa Beijing organizing committee na inalala nila ang kalusugan at kaligtasan ng […]