44% ng mga Pilipino, hindi kuntento sa K-12 basic education program – survey
- Published on July 20, 2022
- by @peoplesbalita
LUMALABAS umano sa isinagawang survey ng Pulse Asia na nasa 44% ng mga Pilipino ang hindi kuntento sa K-12 education system sa bansa.
Batay sa survey na isinagawa mula June 24 hanggang June 27, 25% bagay sa 1,200 respondents ay nagsabi ang mga ito na “somewhat dissatisfied” o bahagyang hindi satisfied sa kasalukuyang education system habang nasa 19% naman ang nagsabi na “truly dissatisfied” o talagang hindi satisfied.
Nangangahulugan na nasa kabuuang 44% ang makokonsiderang hindi kuntento sa K-12 program, ito ay 16 percentage points na mas mataas kumapara sa resulta ng survey na isinagawa noong September 2019 kung saan nasa 28% lamang ng mga respondents ang hindi satisfied sa K-12 system.
Kung kaya’t ayon kay Senator Sherwin Gatchalian na siyang magiging chair ng Senate committee on basic education, arts at culture sa 19th Congress na dapat na ma-review ang K-12 program.
Malinaw aniya ang boses ng ating mga kababayan na hindi sila kuntento sa programang ito dahil hindi naipapatupad ang mga pangako sa ilalim ng K-12 system, at naging dagdag pasanin lamang aniya sa mga magulang at mag-aaral.
Rekomendasyon ng senador na dapat suriin ng husto ang K-12 system upang matiyak na natutupad ang layunin nito na makapaghatid ng dekalidad na edukasyon at maisulong ang pagiging competitive ng mga estudyante.
-
Challenge sa ibang loveteams na umamin na rin: RONNIE, hiyang-hiya noong itinatago pa ang relasyon nila ni LOISA
BALIK-TAMBALAN sa pelikula sina Julia Barretto at Joshua Garcia. Ito ang ipinahayag ni Julia sa interview sa kanya ni Boy Abunda sa online channel ng batikang TV host. “I’m going to do a movie with Josh under (production company) Black Sheep this year,” sambit ni Julia. Sa interview ni […]
-
DINGDONG at MARIAN, kinumpirma na tuloy na ang bagong project sa GMA na malamang na isang sitcom
KINUMPIRMA na ng Kapuso Primetime Queen na si Marian Rivera, gayundin naman ang Kapuso Primetime King na si Dingdong Dantes na may gagawin na nga silang bagong proyekto sa GMA-7. Kinumpirma nila ito sa naganap na GMA Pinoy TV Fun Con. Isang bonggang “Yes!” ang sagot ni Marian nang tanungin sila kung totoong magtatambal […]
-
PNP nagpaalala sa mga biyahero sa minimum health protocols
PINAALALAHANAN ng Philippine National Police (PNP) ang publiko na panatilihin ang pagsunod sa minimum health protocols kaugnay ng nagpapatuloy na banta ng COVID-19. Ito’y kaugnay ng inaasahang pagdagsa ng mga bakasyunista sa mga tourist spots ngayong summer season o panahon ng bakasyon. Ayon kay Col. Jean Fajardo ng PNP-Public Information Officer, […]