• April 16, 2024
  • Ang Diyaryong Pinagkakatiwalaan

4K COVID-19 cases kada araw sa NCR ibinabala ng DOH

Nagbabala ang Department of Health (DOH) sa publiko na maaaring umakyat sa 4,000 kada araw ang average na kaso ng COVID-19 matapos ang Kapaskuhan.

 

“Cases in NCR may reach upward of 4,000 per day which may overwhelm our health system capacity to upwards of 80 percent utilization by end of January if we do not act aggressively to halt transmission now,” ayon kay Health Undersecretary Maria Rosario Vergeire sa virtual briefing .

 

Posible umanong maulit ang “peak” o pinakamataas na antas ng panganib ng COVID-19 na naranasan noong Agosto kung hindi pag-iibayuhin ang disiplina ngayong Disyembre makaraang matukoy ang unti-unting pagtaas sa mga kaso ngayon.

 

Mula sa 0.8 RO (Reproduction Rate), umakyat na ito sa 1.6RO sa Metro Manila nitong Disyembre 12 at inaasahang tataas pa.  Nakapagtala ang DOH ng 3.27 RO noong Agosto na siyang pinakamataas na antas ng community transmission ng COVID-19 sa bansa.

 

Siyam na lungsod sa Metro Manila ang nasa ‘moderate risk’ na ngayon kumpara noong Nobyembre nang nasa ‘low risk’ ang lahat ng siyudad. Na­ngunguna sa mga namonitor ng pagtaas ng kaso ang mga lungsod ng Maynila, Quezon City, Makati City at Pasig City.

 

Bukod sa NCR, namonitor din ng DOH ang pagtaas ng mga kaso sa Regions I, II, Davao Region at CAR (Cordillera Administrative Region).

 

“If this trend continues and is not mitigated, it will lead to a sharp spike of cases that might overwhelm our health system capa­city, similar to the peak we experienced last August in the NCR. The occurrence of another surge will no longer be a matter of “if” but of “when and by how much,” ayon pa sa DOH.

 

Ipinaalala ng ahensya na napakalaki na ng pinagdaanan at sakripisyo ng bawat isa para marating ang mababang reproduction rate dahilan para ibaba na rin ang ‘lockdown levels’ ngunit maaaring mabalewala lahat kung ngayon pa lang hindi mag-iingat at magtutulungan ang lahat.

 

Ibinilin muli ng DOH ang pagsunod sa ‘minimum health standards’ tulad ng pagsunod sa ‘physical distancing’, palagiang pagsusuot ng face mask at shields, at huwag paglabas ng bahay kung hindi naman importante ang pakay. Dapat ding umiwas sa malakihang handaan, kantahan, at pagbisita sa mga kaanak sa selebrasyon ng Pasko at Bagong Taon.

 

“We have witnessed what a spike in cases might mean to us—the extensive lockdowns and how it has affected our families, our healthcare workers, the small businesses and large enterprises alike, and how it almost, if not completely, paralyzed our economy. We do not want that to happen again,” dagdag ng DOH. (GENE ADSUARA)

Other News
  • DBM, maghahanap ng paraan para pondohan ang P1,000 monthly pension para sa mga indigent seniors

    MAGHAHANAP at gagawa ng paraan ang Department of Budget and Management (DBM) para mapondohan ang tumaas na  monthly social pension ng indigent senior citizens.     Mula kasi sa P500 ay  P1,000 na ang matatanggap ng mga ito.     Ito’y sa kabila ng nasa ” tight fiscal position” ang gobyerno.     “To be […]

  • Patuloy na kinakabog ang teleserye nina Kathryn at Daniel: ‘Bolera’ ni KYLIE, record-breaking ang rating dahil tapatan nila ni INA

    INABANGAN talaga ng mga televiewers and netizens ang paglalaro ng billiards nina Kylie Padilla as Jose Maria “Bolera” Fajardo Jr. or si Joni, at ang special guest billiard player na si White Lotus, played by Ina Raymundo.     Ang maganda kasi, mabait at very accommodating ang character ni White Lotus, ‘di tulad nang iba […]

  • Bina-bash dahil sa role bilang Imelda Romualdez-Marcos: Tweet ni RUFFA, madaling nai-konek na ang pinatatamaan ay si Congresswoman GUANZON

    ANG daming kapwa niya artista at mga kaibigan na rin na nagpapahayag na “proud” sila sa naging desisyon ng actress na si Bela Padilla at sa mga nagagawa nito sa kanyang personal at propesyonal na buhay.     Ilan sa mga ito ay sina Agot Isidro, Dani Barretto, Kean Cipriano, Jake Cuenca at iba pa. […]