5 drug suspects, nadakma sa Malabon

LIMANG hinihinalang sangkot sa illegal na droga, kabilang ang dalawang ginang ang timbog sa magkahiwalay na drug operation ng pulisya sa Malabon City.

Sa kanyang report kay NPD Acting Dirrector P/Col. Josefino Ligan, sinabi ni Malabon police chief P/Col. Jay Baybayan na ikinasa ng mga operatiba ng Station Drug Enforcement Unit (SDEU) ang buy bust operation matapos magpositibo ang natanggap na impormasyon hinggil sa umano’y illegal drug activities nina alyas “Jr”, 32, alyas “Esmer”, 51, at alyas “Jane”, 46, pawang residente ng lungsod.

Nang tanggapin umano ng isa sa mga suspek ang marked money mula sa pulis na nagpanggap na buyer kapalit ng isang plastic sachet ng shabu ay silang inaresto ng mga operatiba ng SDEU dakong alas-2:00 ng madaling araw sa Del Rosario St., Brgy. Dampalit.

Nakumpiska sa mga suspek ang humigi’t kumulang 2.95 grams ng hinihinalang shabu na may standard drug price value na P20, 060.00 at buy bust money.

Alas-9 ng gabi nang mahuihan naman ng mga tauhan ng Malabon Police Sub-Station (SS1) si alyas “Dagul”, 37, ng Bagong Barrio, Caloocan City ng isang plastic sachet ng shabu na nagkakahalaga ng P7,820 sa East Riverside St. Brgy.. Potrero.

Habang alas-11:30 ng gabi nang madakip ng mga tauhan din ng SS1 si alyas “Dodong”, 35, ng Brgy. Potrero, matapos makuhanan ng isang plastic sachet ng umano’y shabu sa Riverside St., Brgy. Potrero.

Ani PMSg Kenneth Geronimo, mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)