5k healthcare workers na mangingibang- bansa para magtrabaho, simula na sa Enero 1, 2021
- Published on November 25, 2020
- by @peoplesbalita
NAKATAKDANG magsimula sa Enero 1, 2021 ang bagong polisiya ng pamahalaan na pinapayagan ang 5,000 healthcare workers na mangingibang- bansa para magtrabaho kada taon.
Sinabi ni Presidential Spokesperson Harry Roque, masusing pinag-aralan nina Pangulong Rodrigo Roa Duterte at ng COVID-19 task force ang nasabing usapin.
“Ipinairal ang balancing of interests kung saan tiningnan ang pangangailangan sa bansa ng nurses, nursing assistants, nursing aides habang ikinunsidera rin ang pagkilala ng talento ng mga Pilipino sa ibang bansa at demand sa ating mga kababayan sa ibayong dagat,” ayon kay Sec. Roque.
Kamakailan ay inaprubahan ni Pangulong Duterte ang rekomendasyon ng mga opisyal ng pamahalaan na alisin ang temporary suspension ng overseas deployment ng mga nurses at iba pang health workers sa gitna ng COVID-19 pandemic.
Ani Sec. Roque, ang pagbawi sa deployment ban ay alinsunod sa polisiya ng pamahalaan na “promoting full employment, rising standard of living, and improving the quality of life for all.”
Sinabi ni Labor Secretary Silvestre Bello III na ang 5,000 na bilang ng mga health workers ay maaaring madagdagan kapag naging mas maayos pa ang sitwasyon ng bansa laban sa COVID-19.
“Nagkaroon naman po ng kasiguraduhan ang DOH [Department of Health] na sapat po ang ating mga health professionals dito sa Pilipinas,” ayon kay Sec. Roque.
Nauna rito, kinumpirma Department of Labor and Employment (DOLE) na binawi na ni Pangulong Duterte ang “deployment ban” sa mga nurses at iba pang health workers sa ibayong dagat,
Ayon kay Sec. Roque, ang lifting ng ban ay “effective immediately” kaya’t maaari nang makaalis ang libong nurses at medical workers na nag-aasam na makapagtrabaho sa ibang bansa sa kabila ng COVID-19 pandemic.
Gayunman, nilinaw ng Kalihim na 5,000 health workers lang ang pinapayagang ma-deploy sa ibang bansa kada taon upang matiyak na ang Pilipinas ay may sapat pang medical professionals lalo na ngayong ang bansa ay pangalawa sa may pinakamataas na bilang COVID-19 cases sa Southeast Asia.
Sa nakaraang desisyon, pinayagan lamang ni Duterte ang health professionals na may kumpleto nang employment documents at visa hanggang Agosto 31 na makaalis ng bansa. (Daris Jose)
-
PBBM, umaasa na makadadalo sa climate change conference sa Dubai
UMAASA si Pangulong Ferdinand Marcos Jr. na makadadalo sa 2023 United Nations Climate Change Conference sa Dubai sa Disyembre ngayong taon. “I hope we will be able to attend because climate change is a primordial issue,” ayon kay Pangulong Marcos. Si UAE Ambassador Extraordinary at Plenipotentiary Mohamed Obaid Salem Alqataam Alzaabi […]
-
Magkaisa para sa 32nd Olympics 2020- Romero
“First of all, I would like to congratulate my good friend, Cong. Bambol, for securing a full four-year term this time. It’s a tough job being the president of POC but I know he can handle it being a seasoned leader both as sportsman and politician,” bulalas nitong isang araw ng amateur basketball godfather sa […]
-
ATP: Ruben Gonzales nanalo ng third title ng season, nasungkit ang Yokohama doubles title
Naging mabunga ang unang pagsasama nina Ruben Gonzales at Victor Cornea. Nadaig ng third seeded pair ang hometown crowd at sina Masamichi Imamura at Tomoya Fujiwara para mapanalunan ang men’s doubles championship ng ATP Yokohama Keio Challenger. Nanaig ang Filipino at Romanian tandem sa straight sets laban sa kanilang mga kabataang Japanese rivals, […]