75k trabaho sa mga Pinoy, nakaabang na sa ngayon- DOLE

TINATAYANG nasa may 75,000 na mga potensiyal na trabaho ang naghihintay sa mga Filipino.

Bunga ito ng mga naging  pagbiyahe ni Pangulong Ferdinand Marcos Jr.  sa labas ng bansa.

Sinabi ni  DOLE Secretary Bienvenido Laguesma sa press briefing sa Malakanyang na  manggagaling ito sa sektor ng enerhiya kabilang na ang renewable energy.

Aniya, nagma-materialize na ang naging pakikipag- usap ng Pangulo sa mga pinuntahan nitong bansa.

Malaki  aniya ang posibilidad na magbibit ito ng job generation sa mga manggagawang filipino.

Kabilang aniya rito ang  mga bansang Germany, Singapore , Estados Unidos at The Netherlands na nagpahayag ng kanilang commitment para maglagak ng kanilang negosyo sa bansa.

Samantala, sa kasalukuyan, nakikipag -ugnayan na ang DOLE sa  DTI at DOT ukol dito para matingnan din naman ang available manpower para sa naturang malaking job  demand na naghihintay sa mga mamamayan. (Daris Jose)