• April 25, 2025
  • Search in People's Balita

  • Ang Diyaryong Pinagkakatiwalaan

 

9 indibidwal, kulong sa sugal, droga at baril sa Valenzuela

SA loob na ng kulungan sasalubungin ang Bagong Taon ng siyam katao, kabilang ang isang ginang matapos maaresto ng pulisya sa ilegal na sugal, droga at baril sa magkakahiwalay na lugar sa Valenzuela City.

Sa ulat ni PMSg Carlos Erasquin Jr kay Valenzuela police chief P/Col. Nixon Cayaban, alas-8:15 ng gabi nang maaresto ng mga tauhan ng Sub-Station 8 ng Valenzuela police sina alyas “Perlita”, 47, alyas “Jeremy”, 25, at alyas “John”, 19, sa illegal na sugal na “Loteng” sa Kabuhayan St. Brgy. Mapulang Lupa.
Nasamsam sa kanila ang Loteng booklet, ballpen at P300 bet money habang ang isang plastic sachet ng hinihinalang shabu na nagkakahalaga ng P3,400 ay nakuha sa ginang.
          Nauna rito, nadakip din ng mga tauhan ng SS9 sina alyas “Ricky”, 49, at alyas Rolando”, 41, matapos maaktuhang naglalaro ng sugal na ‘cara y cruz’ sa N. De Galicia St., Brgy. Maysan dakong alas-3:40 ng hapon.
          Nakumpiska sa dalawa ang tatlong peso coins na gamit bilang ‘pangara’ at P350 bet money habang nakuha nakuha naman kay ‘Rolando’ ang isang heat sealed transparent plastic sachet ng umano’y shabu na nagkakahalaga ng P3,944.00.
          Sa Brgy. Bignay, naaresto naman ng mga tauhan ng SS7 sina alyas “Bejamin”, alyas “Ariel” at alyas “Adan” matapos maaktuhang nagsusugal ng ‘cara y cruz’ sa Blk 35 Northville 2 bandang alas-11:50 ng gabi.
          Nakuha sa kanila ang tatlong peso coins na gamit bilang ‘pangara’ at P250 bet money habang ang dalawang plastic sachets na naglalaman ng hinihinalang pinatuyonmg dahon ng marijuana ay nasabat kay ‘Benjamin’.
          Samantala, nakuhanan naman ng isang sachet ng hinihinalang shabu at isang cal. 22 revolver na kargado ng isang bala si alyas “Jobert” nang tangkain takasan ang mga tauhan ng SS6 na mag-iisyu sana ng tiket sa kanya dahil sa paglabag sa city ordinance (smoking in public) sa I. Fernando St., Brgy. Malanday dakong alas-3:45 ng madaling araw. (Richard Mesa)
Other News

  • Huwag maligo sa pool, ilog o dagat kapag nasa impluwensiya ng alak

    NAGPAALALAA  ang Philippine Coast Guard (PCG) sa  publiko na huwag maligo sa swimming pool, ilog o dagat kapag nasa impluwensya ng alak. Kasunod ito nang insidente ng pagkalunod ng isang umano’y lasing sa Baco, Oriental Mindoro. Sa ulat, rumesponde ang Municipal Disaster Risk Reduction and Management Office sa report ng pagkalunod sa isang ilog. Kasama […]

    read more

  • Ayuda sa Abril 6 masisimulang maibigay – DILG

    Sa Martes, Abril 6, o sa Miyerkules, Abril 7, pa maaaring matanggap ng mga residente sa National Capital Region (NCR) Plus areas ang ayuda mula sa pamahalaan.       Ayon kay Department of Interior and Local Government (DILG) Undersecretary Jonathan Malaya, maaring bukas pa kasi maibababa ng Bureau of Treasury ang pondo sa mga […]

    read more

  • ‘Di na sila makatatanggi: RABIYA, mukhang nabihag agad ang puso ni JERIC

    PAGKATAPOS na ulanin ng mga reklamo at galit si Marvin Agustin ng mga naging customer niya noong Pasko dahil sa kanyang lechon at sinsero namang humingi ng paumanhin sa nangyari at naperwisyo at naabala, tila nakuha naman ni Marvin ang simpatiya ng karamihang netizens.     Marami rin ang nakaunawa sa naging situwasyon ni Marvin. Hindi […]

    read more
People's Balita.
All rights reserved. © Copyright 2025.