487K AstraZeneca vaccines darating sa Pinas
- Published on March 5, 2021
- by @peoplesbalita
Darating sa Pilipinas ang 487,200 bakuna mula sa AstraZeneca.
Ito ang inanunsiyo ni Sen. Bong Go na sinabing sasalubungin nila ito (Marso 4, Huwebs) ni Pangulong Rodrigo Duterte dakong alas-7 ng gabi sa Villamor Airbase.
Ang nasabing bakuna ay mula sa COVAX facility.
“This is to confirm that the initial shipment of AstraZeneca is set to arrive tomorrow, March 4, 2021, 7:30PM, as part or the first round of allocated doses from the COVAX facility,” pagkumpirma naman ni Presidential Spokesman Harry Roque.
Matatandaan na inasahan ng gobyerno ang pagdating ng mahigit sa 500,000 bakuna ng AstraZeneca vaccine nitong Lunes subalit hindi natuloy dahil sa limitadong bakuna.
Ayon kay Go, nakatanggap ang Malakanyang ng isang liham na nag-aabiso ng pagdating ng bakuna.
Umaasa naman ang senador na hindi na mauudlot ang pagdating ng bakuna ngayong araw.
Samantala, tumanggi naman sina Vaccine Czar Sec. Carlito Galvez at Health Sec. Francisco Duque III na kumpirmahin ang pagdating ng AstraZeneca vaccines ngayong Huwebes.
“Dalawang beses na kami nakuryente diyan. Mabuti i-confirm ‘pag may plane nang lumipad from Belgium,” sabi ni Galvez, chief implementer ng National Task Force Against COVID-19.
Samantala, nakatitiyak ang Malacañang na mas tataas ang kumpiyansa ng mga mamamayan na magpabakuna habang patuloy ang pagd ating ng bakuna sa bansa.
Ayon kay Presidential Communications Operations Office Secretary Martin Andanar, mas dumami ang health workers na nais mabakunahan.
Ilang pribadong ospital na rin aniya ang nag-request ng alokasyon ng Sinovac. (Daris Jose)
-
Kaligtasan, isinasaalang-alang ng mga Filipino sa COVID-19 vaccine
Pangunahing isinasaalang-alang ng mga Filipino ang kaligtasan mula sa epektong dulot ng pagpapabakuna laban sa coronavirus disease. Ito’y ayon sa huling pag-aaral na isinagawa ng Veritas Truth Survey sa may 1,200-respondents sa buong bansa sa pamamagitan ng text at online data gathering noong January 4-22. Batay sa resulta ng V-T-S, 67-porsiyento […]
-
Petro Gazz: Champion for the 2nd time
Si Petro Gazz ay bumalik sa trono ng Premier Volleyball League Reinforced Conference sa isang mas kahanga-hangang paraan, na pinalayas ang Cignal sa ikalawang sunod na pagkakataon, 25-17, 22-25, 25-12, 25-22 bago ang malaking crowd noong Martes sa Philsports Area sa Pasig noong Martes. Si Coach Rald Ricafort ay nagdemanda ng oras nang […]
-
PSA website nakaranas ng glitches sa National ID registration
Nakaranas ng “technical difficulties” ang website ng Philippine Statistics Authority (PSA) sa unang araw ng online registration para sa National ID. Sa isang advisory, sinabi ng ahensya na sinisikap ng kanilang team na resolbahin ang issue na ito sa lalong madaling panahon. Kasabay nito ay humihingi ng paumanhin ang ahensya sa […]