Matapos na aminin ni GERALD ang kanilang relasyon: JULIA, ipinagsigawan na kung gaano kamahal at proud sa bf

AFTER na aminin ni Gerald Anderson ang relasyon nila ni Julia Barretto sa exclusive interview ni Kuya Boy Abunda, marami nga ang naghihintay sa ipo-post ng anak nina Dennis Padilla at Marjorie Barretto.

Noong Linggo, March 7, birthday ni Gerald, ang masasabing first public appearance nila kung saan namigay sila ng ayuda sa Aeta community sa San Agustin, Iba, Zambales.

Pero bago natapos ang special day ni Gerald, hindi pinalampas ni Julia na mag-post ng sweet photo nila na halatang masayang-masaya.

Caption ni Julia na maraming kinilig, “Everyday I celebrate you, but today I am extra grateful. Happy birthday my love, I am SO PROUD OF YOU.”

Anyway, sa interview nga ni Kuya Boy na in-upload sa YouTube last March 5, buong ningning na inamin ni Gerald na masayang-masaya siya sa piling ni Julia.

“You are happy,” sabi ng premyadong TV host.

“Yes, Tito, I am,” sagot ng aktor.

“Are you happy because of Julia?”, tanong kay Gerald na sinagot nga niya ng, “Very happy. Very happy, Tito Boy. It’s a yes.”

Hindi naman nakaiwas si Gerald na balikan kontrobersyal na hiwalayan nila Bea Alonzo.

Inamin niya na grabe ang huling isyu na pinagdaanan, “Ang pangit, ang lala. Ang pinakamasakit pa is what I’ve heard even behind the cam.

“‘Yung mga nakarating sa akin, ‘yung intimate moments namin bilang boyfriend-girlfriend. Parang, kailangan ba talaga umabot sa ganito?”

Nagalit din siya sa nanay niya, na nagsalita sa hiwalayan nila ni Bea.

Sabi niya na talagang nahusgahan na siya ng maraming tao, “At that point nu’ng pumutok, I’ve had my moments na parang, ‘Oh my God. Paano ko nalagay ‘yung sarili ko sa ganitong sitwasyon?

“‘What did I do?’ I try to be a good person. Bakit? I’m not gonna say na wala akong mali. I know. Pero kailangang umabot sa ganun? I mean, did we really have to take the social media route or path?”

Natanong din siya ni Kuya kung nagkaroon sila ng formal break-up ni Bea, o nauwi talaga sa ‘ghosting’ sa dating girlfriend.

“I can remember that moment like kahapon lang siya nangyari. But I can’t… I don’t have the guts to put someone in a bad light because gusto ko linisin ‘yung image ko or ‘yung side ko.

“Ganito lang po ‘yun. Ano po ba ang definition ng ghosting? Kasi ang dating sa akin is parang nasa gitna kami ng dinner tapos nag-decide ako mag-back out and ‘di magpakita kahit kailan. ‘Yun ba ang definition?

“Or is it walking away from a very unhealthy, toxic, not saying na siya ‘yung toxic, but being together, we were very toxic. Hindi narerespeto ‘yung explanation na ibinibigay mo, hindi tinatanggap.

“After months and months and months and months of being on the rocks and puro away, I mean, ‘yun lang. I’m just gonna leave it at that.”

Dagdag pa niya, “Bahala na po kung paanong ano, but if ‘yun ‘yung ghosting, I’m guilty of one of those two,”   

Sa huli, ipinagdiinan ni Gerald na,

“Wala po akong ghinost.”

Inamin ni Gerald na sobra siyang nasaktan sa mga nangayari.

“Wala na po akong magagawa Tito Boy, eh. Again, hindi rin ako ‘yung tipo ng tao na, kahit ang daming nagsasabi, ‘Hindi, magsalita ka.’

“I couldn’t look at myself in the mirror kapag nagkwento pa ako about my relationship at kung paano kami naghiwalay or hindi naghiwalay. No.” (ROHN ROMULO)