House oks drag racing ban ng PUV drivers

Isang mungkahi ng Mababang Kapulungan ang pinagtibay sa ikalawang pagsusulit tungkol sa pagbabawal ng bus at jeepney drivers na mag drag racing sa mga pangunahing lansagan.

Ang mahuhuling mga bus at jeepney drivers ay papatawan ng malaking multa at parusang pagkakabilango ng isang taon.

Ito ang House Bill 8916 na gawa ni Quezon City Rep. Precious Hipolito-Castelo na inaasahang maaprobahan sa ikatlo at huling reading.

“This practice has resulted in the senseless and preventable deaths of PUV riders and bystanders. A law is needed to ban drag racing since it has become common among PUV drivers,” wika ni Castelo.

Kasama sa pagbabawal ng drag racing ay ang pribado at pampublikong sasakyan. Bawal rin ang drag racing sa mga pribadong kalsada maliban na lamang kung pinayagan ng mga lokal na pamahalaan.

Ayon sa nasabing HB 8916, ang drag racing ay ang pagpapatakbo ng dalawa or mas madami pa na sasakyan na naguunahan at magkakatabi na mabilis ang paandar upang mauna ang isa sa kanila.

“It is common among PUV drivers, especially in Metro Manila to race against each other to pick up more passengers on the roads,” dagdag ni Castelo.

Ang mungkahing kaparusahan ay isang taong pagkakakulong at multang P300,000 hanggang P500,000 o di kaya ay pareho depende sa paghuhusga ng korte. “These would be in addition to other penalties the court may impose for other crimes resulting from drag racing,” saad ni Castelo.

Masusupendi rin ang driver’s license ng driver ng anim na buwan. Ang ikalawang offense naman ay magreresulta sa tuluyang walang karapatan na makakuha ng driver’s license.

Kukunin din ang sasakyan na sangkot sa drag racing at ang Land Transportation Office (LTO) ay magbibigay ng kaukulang singil para sa storage ng nasamsam na sasakyan.

Ang mga ahensiya ng pamahalaan na siyang magtutulong tulong sa pagpapatupad ng nasabing batas ay ang Philippine National Police (PNP), Metropolitan Manila Development Authority (MMDA), at Department of Transportation (DOTr). (LASACMAR)