Magkapatid na Mocon bobrotsa para sa RoS
- Published on March 22, 2021
- by @peoplesbalita
MAGIGING magkakampi pala ang magkapatid na Javee at Kenneth Mocon sa Rain or Shine sa pagsambulat ng 46th Philippine Basketball Association Phiippine Cup 2021 sa darating na Linggo, Abril 18 sa Ynares Center sa Antipolo City.
Kapuwa produkto ng San Beda University ang dalawa kung saan naging third round pick ng Elasto Painters si Kenneth noong isang Linggo sa Online 36th PBA Draft 2021 sa TV5 Media Center sa Mandaluyong.
Maaring mag-1-2 si Kenneth, samantalang kilalang defender at scorer si Javee na isa sa mahalagang bahagi ng rotation ni dating RoS coach Carlos Garcia, ngayo’y active consultant na ng mga magpipintura.
Sa unang opisyal na aktibidad niya bilang bagong coach, umaksiyon agad ni Chris Gavina para sa kakulangang armas ng E’Painters.
Malambot ang frontline ng team na pinagrerelyebuhan nina Beau Michael Vincent Belga at Jewel Ponferada, tinapalan ng prangkisang Raymond Yu-Terry Que nang kalabitin sa No. 5 overall si Santi Santillan.
Yakang-yakang umiskor ng big man dati ng De La Salle University-Taft, bukod pa sa may depensa na swak kina Belga at Ponferada.
Guards na ang sumunod na hinigot ng pintura, halatang puntiryang pagaangin ang playmaking job ni Rey Nambatac para mas masandalan sa opensiba.
Sa second round, tinawag pa ng RoS sina Franky Johnson, Anton Asistio at Andrei Caracut. Pagkaraan ni Mocon, kinuha rin si RJ Argamino at Philip sa fourth at fifth rounds.
Tumitirada sa labas ang mga na binunot na guwardiya ni Gavina, kaya dumami ang diskarte sa opensa ng team.
Aabangan ng Opensa Depensa kung tama ang mga pinaggagawa ni Gavina.
Subaybayan po ninyo ang RoS sa papasok na buwan. (REC)
-
2 walang suot na face mask, huli sa shabu
KULONG ang dalawang katao na nasita dahil sa hindi pagsuot ng face at paglabag sa curfew hour matapos makuhanan ng tig-isang plastic sachet ng hinihinalang shabu sa Malabon city, kahapon ng madaling araw. Kinilala ni Malabon police chief Col. Jessie Tamayao ang mga naarestong suspek na si Rommel Dayao, 34, at Rominick Mirandilla, 31, […]
-
IATF, pinag-uusapan na ang pagbabalik operasyon ng mga provincial buses ngayong buwan
MALAKI ang posibilidad na magbalik na ang operasyon ng mga provincial buses bago matapos ang buwang kasalukuyan. Ayon kay Presidential spokesperson Harry Roque, nagpapatuloy na ang isinasagawang pagtalakay ng IATF upang masigurong maipatutupad ng maayos ang mga health protocols sa pagbabalik ng operasyon ng mga provincial buses. Kaugnay nito, suportado ng Department of […]
-
Digital version ng National ID tatanggapin sa passport application – DFA
TATANGGAPIN na ng Department of Foreign Affairs (DFA) ang printed digital version ng PhilSys ID o mas kilala sa tawag na national ID, bilang valid identification card para sa mga aplikante ng pasaporte. Sa isang pahayag noong Biyernes, sinabi ng DFA na kikilalanin ng Office of Consular Affairs simula Oktubre 21, ang digitized […]