MABABANG COVID-CASES, NAITALA SA NAVOTAS
- Published on May 8, 2021
- by @peoplesbalita
NAITALA ng Navotas City ang pinakamalaking kabawasan sa porsyento ng mga bagong kaso ng COVID-19 kada araw sa lahat ng lokal na pamahalaan sa Metro Manila.
Nagrehistro ang lungsod ng -76% na pagbaba ng average daily attack rate (ADAR), ayon sa OCTA Research Group. Mula sa pinakamataas na 137, ang kada araw na mga kaso sa lungsod ay sumadsad sa 33.
Ang estadistikang inilabas ng OCTA ay batay sa seven-day average mula Abril 25 hanggang Mayo1 kumpara sa peak seven-day average ng mga lokal na pamahalaan.
“We attribute this milestone to the hard work of all our frontliners as well as the aggressive contact tracing, testing, isolation, treatment and monitoring of our patients–from the time they become close contacts to the time we receive their test results or they complete their isolation period,” ani Mayor Toby Tiangco.
Ayon sa OCTA, ang ADAR na higit sa 10 percent ay itinutuing pa ring mataas at dapat na maibaba ito ng mga lokal na pamahalaan sa Metro Manila sa mas mababa sa 10 percent sa loob ng dalawang linggo para umusad sa moderate risk classification.
Ang Navotas ay nagtala ng 1,456 active cases noong Abril 5, ang pinakamataas sa buong taon. Hanggang Mayo 3, nakapagtala ang lungsod ng 413 active cases at 9,783 recoveries. (Richard Mesa)
-
IG post ni RUFFA tungkol sa ‘beauty in privacy’, may kinalaman daw sa isyu kina HERBERT at KRIS; super react ang netizens
PINAG-UUSAPAN ng netizens ang latest IG post ni Ruffa Gutierrez na kung saan pinagdiinan niya na there is a ‘beauty in privacy’. Post ni Ruffa, “Social media has made us so eager to show and tell but there is BEAUTY in PRIVACY. Everything isn’t meant to be on display. “It’s perfectly […]
-
NBA players na nabakunahan, nasa 95 % na
Dumami pa ang bilang ng mga NBA players na naturukan na ng COVID-19 vaccines. Ayon kay NBA executive director Michele Roberts na nasa halos 95 percent ng mga manlalaro na ang nakatanggap na ng kanilang first dose. Ang nasabing pagtaas ng bilang ng mga nagpapabakuna ay bunsod ng kautusan na limitado […]
-
NBI pinakikilos vs international fraud syndicate na nambibiktima ng OFWs
KINALAMPAG ng isang consumer group ang National Bureau of Investigation (NBI) para maaksyunan ang pambibiktima ng mga internasyunal na sindikato sa bank fraud na bumibiktima ng mga Overseas Filipino Workers (OFWs) at maging mga lokal na empleyado sa bansa. Ayon sa Action for Consumerism and Transparency in Nation Building (ACTNB), target umano ng sindikato na […]