Pangakong pagsakay sa Jetski papuntang West Philippine Sea, pure campaign joke-PDu30
- Published on May 13, 2021
- by @peoplesbalita
“It was a pure campaign joke.”
Ito ang inamin ni Pangulong Rodrigo Roa Duterte kaugnay sa kanyang sinabi noong 2016 ukol sa pagsakay niya sa jetski para pumunta ng West Philippine Sea at sabihin sa mga Tsinoy na pag-aari ito ng Pilipinas.
Patuloy kasing inuungkat ng kanyang mga kritiko ang naging pahayag nito sa presidential debate na sasakay siya ng jetski papuntang Spratly Islands para igiit sa China na teritoryo ng Pilipinas ang West Philippine Sea (WPS).
“Panahon ng kampanya ‘yan. ‘Yung biro na ‘yung, we call it bravado. ‘Yung bravado ko was pure campaign joke,” ayon kay Pangulong Duterte sa kanyang Talk To The People, Lunes ng gabi.
At kung naniniwala ang mga taga-oposisyon o taga-kabila sa kanyang sinabi ay istupido ang mga ito.
Matatandaang sinabi naman ni Presidential Spokesperson Harry Roque na metaphor lamang ang sinasabi ng Pangulo dahil bagama’t naging matalinghaga, malinaw naman ang paninindigan ng punong ehekutibo na hindi isusuko ang teritoryo ng Pilipinas.
Matatandaang taong 2016, nang naging pangako ni Pangulong Duterte sa kampanya nito na sasakay siya ng jetski patungong Spratlys para iwagayway ang watawat ng Pilipinas
Samantala, kaugnay sa problema sa West Philippine Sea sinabi ni National Security Adviser Secretary Hermogenes Esperon Jr., na hindi mareresolba sa pamamagitan ng pwersa ang isyu sa WPS.
Bagama’t kasi patuloy pa rin ang panamantala ng China, mas mabuting huwag magmadali at magpadala sa bugso ng damdamin ang gobyerno at idaan sa pakikipag-usap ang isyu. (Daris Jose)
-
Libreng sakay program ng PUVs at MRT-3, magtatapos sa Hunyo 30
MAGKASABAY na magtatapos ang ‘Libreng Sakay program’ ng mga public utility vehicles (PUVs) at ng Metro Rail Transit Line 3 (MRT-3) sa Hunyo 30, 2022, na siya ring huling araw sa puwesto ng administrasyong Duterte. Ayon sa Land Transportation Franchising and Regulatory Board (LTFRB), nagdesisyon silang tapusin na ang kontrata ng mga natitira […]
-
Russia, hindi papayagan ng Amerika na bayaran ang utang gamit ang mga dolyar na naka-imbak sa US banks
HINDI na papayagan ng US ang Russia na bayaran ang utang nito gamit ang mga dolyar na nakaimbak sa mga bangko ng Amerika, isang pagbabago na naglalayong magdagdag ng presyon sa Moscow. Sinabi ng press secretary ng White House na si Jen Psaki na layunin nito ay upang maubos ang mga mapagkukunang pinansyal […]
-
Joshua, umaming walang lovelife after Julia dahil sa iba naka-focus
ISA ang adobo sa specialty na itinuro kay Joshua Garcia ng tatay niyang magaling magluto na itinuro rin sa kanya ng nanay niya, bale lola ng aktor. Natikman kaya ni Julia Barretto ang lutong adobo ng ex-boyfriend niyang si Joshua noong magkarelasyon pa sila? Sa latest vlog ni Erich Gonzales nang i-upload ilang […]