Pulis tinodas ng riding in tandem sa Caloocan
- Published on May 17, 2021
- by @peoplesbalita
ISANG pulis ang nasawi matapos pagbabarilin ng hindi kilalang riding in tandem na mga suspek sa Caloocan City, kamakalawa ng gabi.
Dead-on-the-spot sanhi ng tinamong tama ng mga bala sa katawan ang biktima na kinilalang si PCpl Ruben Tan, 28, nakatalaga sa Sta. Quiteria Police Sub-Station (SS-6) ng Caloocan City Police at residente ng No. 254 Amaya’s St. Baesa, Brgy. 161.
Base sa nakarating na report kay Caloocan police chief Col. Samuel Mina Jr., dakong alas-7:47 ng gabi nang maganap ang insidente sa kahabaan ng Ignacio Compound, Brgy. 162, ng lungsod.
Sa inisyal na imbestigasyon ng pulisya, sakay ang biktima sa kanyang motorsiklo habang tinatahak ang naturang lugar nang biglang sumulpot mula sa likod ang mga suspek na magkaangkas sa isang N-Max na motorsiklo at armado ng baril saka pinagbabaril si Tan.
Gayunman, kaagad namang napansin ng biktima ang mga suspek kaya’t huminto ito at tinangkang gumanti ng putok gamit ang kanyang service firearm subalit, muli siyang pinaputukan ng mga salarin hanggang tamaan siya sa katawan.
Matapos ang insidente, mabilis na tumakas ang mga suspek sa hindi matukoy na direksyon habang naiwan ang duguan at walang buhay na katawan ng biktima.
Patuloy naman ang isinasagawang follow up imbestigasyon ng pulisya para sa posibleng pagkakilanlan at sa agarang pagkakaaesto sa mga suspek habang inaalam pa ang motibo sa insidente. (Richard Mesa)
-
DOTr: Mga sirang elevators at escalators sa LRT 2, Ok na
INULAT ni Department of Transportation (DOTr) Secretary Arthur Tugade na umaandar na ang mga sirang elevators at escalators sa Light Rail Transit Line 2 (LRT 2) matapos na makita na isang disabled na pasahero ang umaakyat sa hagdanan habang dala-dala ng dalawang (2) security personnel ang wheelchair nito. Agad umaksyon si Tugade […]
-
Joaquin Phoenix and Lady Gaga are transformed as Joker and Harley Quinn in the new “Joker: Folie à Deux” teaser poster
The Clown Prince of Crime is back and this time he might’ve finally met his match. Joaquin Phoenix reprises his titular role, and joining him as Harley Quinn is singer and actress Lady Gaga. A trailer for Joker: Folie à Deux will be released on April 10. Joker: Folie à Deux is a sequel to […]
-
Ayaw nang itago kaya ipinagsigawan na… KLEA, matapang na inamin na gay at may rainbow heart
NAG-OUT na nga ang Kapuso star at StarStruck 6 winner na si Klea Pineda. Sa kanyang Instagram sa mismong kaarawan niya (March 19), proud na in-announce ng AraBella star na miyembro siya ng LGBTQIA+ community. Ayaw na raw itago ni Klea kung ano talaga siya at ipagsisigawan pa raw niya ito. […]