ALDEN, nag-lock-in taping na para sa upcoming series at ‘di para sa movie nila ni BEA

KAHAPON, May 18, ay nagsimula na ang lock-in taping ng upcoming GMA Primetime series na The World Between Us. 

In the main cast sina Alden Richards, Jasmine Curtis-Smith at Tom Rodriguez. Bago ang lock-in taping, nagkaroon muna ng script reading ang cast at last Saturday, ginanap na ang isa pang script reading at kasama na nila ang iba pang co-stars like Ms. Jaclyn Jose, Ms. Dina Bonnevie, kasama rin nila ang director nila, si Dominic Zapata.

Two days before the script reading, may mga nauna nang Instagram post sina Tom, Jasmine at Alden sa kani-kanilang hotel rooms, kaya alam na ng mga fans na magsisimula na silang mag-taping.

Isa ring kasama sa cast, in a special participation role, si Glydel Mercado, na susunod din siya sa mga health protocols kasama na ang quarantine at RT-PCR test.  Tuluy-tuloy na rin ang final preparations nila para sa lahat ng kakailanganin sa lock-in taping.

***

NGAYONG open na ang balita tungkol sa lock-in taping nina Alden Richards, matitigil na siguro ang pagsusulat ng mga youtube vloggers na kaya raw wala si Alden sa Eat Bulaga, dahil naka-lock-in shooting na sila ni Bea Alonzo ng movie nila for Viva Films na A Moment To Remember. 

The truth was, tinapos na muna ni Alden ang mga TV commercial shoots niya ng kanyang solo endorsements at ang commercial shoot nila ni Bea ng ini-endorse nilang isang brand ng shampoo, na inabot ng tatlong araw bago natapos.

Tinapos na rin ni Alden ang taping niya ng Bida Kids singing competition na Centerstage dahil nalalapit na ang grand championship nila.

Abangan kung ano raw ang naiibang role na gagampanan ni Alden sa The World Between Us.

***

SPEAKING of Tom Rodriguez, twice pala siyang nag-test na positive sa RT-PCR Tests, 14 days apart na ginawa niya para nga sa lock-in taping niya ng The World Between Us.

Just in time, bago sila magsimula ng lock-in taping, nag-post na siya sa Instagram niya na “officially, I’m NEGATIVE of Covid na!”

At pagkatapos ng lock-in taping nila, ang haharapin naman ni Tom ay ang preparation sa nalalapit nilang wedding ng fiancée niyang si Carla Abellana sa October 21, 2021, sa Tagaytay City.

***

FINALE week na ngayon ng Babawiin Ko Ang Lahat, kaya libre na ang lead actress na si Pauline Mendoza na harapin naman niya ang bago niyang business, ang pagtatayo ng Beautederm store sa Alaminos, Pangasinan.   Tagaroon si Pauline at ang boyfriend niya na si Alaminos Mayor Bryan Celeste, at kasama ngayon ni Pauline ang family niya roon, habang wala pa siyang pagkakaabalahan sa Manila.

More than a year na ngang LDR (Long Distance Relationship) sina Pauline at Mayor Bryan dahil nasa Manila ang aktres at si Mayor naman ay busy sa kanyang constituents, kaya nga bihira silang magkita dahil kailangan din nilang sumunod sa health protocols, lalo si Mayor na exposed lagi sa mga tao.

Kaabang-abang ang mga eksena sa pagtatapos ng Babawiin Ko Ang Lahat, kung paano mababawi ang lahat ng yaman na kinamkam ni Dulce (Carmina Villarroel) sa mag-anak na Victor (John Estrada), Christine (Tanya Garcia) at Iris (Pauline), sa GMA Afternoon Prime at 3:25PM, sa GMA-7.

(NORA V. CALDERON)