NCR, hindi pa handa na isailalim sa “normal” GCQ- Sec. Roque
- Published on June 15, 2021
- by @peoplesbalita
HINDI pa ito ang tamang panahon o maituturing na “bubot” pa para isailalim sa “least restrictive” Modified General Community quarantine (MGCQ) status ang NCR Plus matapos ang Hunyo 15 sa gitna ng COVID-19 pandemic
Sinabi ni Presidential Spokesperson Harry Roque na malabo pang isailalim sa “ordinary” GCQ ang NCR Plus o ang Metro Manila, Bulacan, Cavite, Laguna, at Rizal simula sa Hunyo 16.
Ang NCR Plus ay kasalukuyan ngayong nasa ilalim ng GCQ “with restrictions” hanggang Hunyo 15.
“Ang problema po natin mataas pa rin ‘yung actual numbers, hindi pa tayo nakakabalik sa mga numero natin bago pumasok ang new variants,” ayon kay Sec. Roque.
Bago pa nalaman ang bagong coronavirus variants sa bansa, ang Metro Manila, ayon kay Sec. Roque, ay nakapagtala ng 1,000 bagong COVID-19 cases araw-araw. Magkagayon pa man, hindi isinailalim sa MGCQ ang Metro Manila.
Nito lamang araw ng Linggo, Hunyo 13, nakapagtala ang Department of Health ng 7,302 bagong COVID-19 infections, dahilan para umabot sa kabuuang tally na 1,315,639.
“So ang nakikita ko po ay ordinaryong GCQ pero sa tingin ko po mukhang malabo pa ‘yung MGCQ,” anito.
Samantala, nakatakdang magkita at magpulong ngayong araw ng Lunes ang Inter-Agency Task Force on Emerging Infectious Diseases (IATF-EID), para pag-usapan ang susunod na quarantine classifications hindi lamang sa NCR Plus kundi maging sa ibang lugar.
Ang rekomendasyon ay isusumite kay Pangulong Rodrigo Roa Duterte para aprubahan.
Sa kabilang dako, si Sec. Roque ay tagapagsalita rin ng IATF.
Ang mga Metro Manila mayors sa kabilang banda ay sang-ayon naman sa posibilidad na isailalim ang rehiyon sa “normal” GCQ simula Hunyo 16.
Para naman kay Dr. Guido David ng OCTA Research na hindi pa handa ang NCR Plus para sa MGCQ, subalit ang anumang hakbagn na gagawin para paluwagin ang restriksyon ay marapat na gawin ng dahan-dahan.
“Maaari tayong magluwag, pero tulad ng ginagawa na natin dati dapat ay dahan-dahan. Expand tayo ng capacity, dagdag ng businesses,” anito.
Aniya, hindi pa nila namo-monitor ang transmission ng COVID-19 sa mga negosyo.
“Okay lang magluwag tayo ng restrictions sa businesses kasi may rstrictions naman sila na pinapatupad,” aniya pa rin.
(Daris Jose)
-
James Gunn’s ‘The Brave and the Bold’ Could Finally Be A Proper Batman and Robin Movie
THE Batman franchise will be rebooted yet again in The Brave and the Bold, a film set in James Gunn’s DC Universe that could finally be a proper Batman and Robin movie. Robin has been an indispensable part of the Batman mythos, debuting less than a year after Batman himself. While the original […]
-
74.5K PDLs, pinalaya mula sa BJMP-run jails sa unang 10 buwan ng 2023
MAY kabuuang 74,590 persons deprived of liberty (PDLs) ang pinalaya mula sa prison facilities na pinatatakbo ng Bureau of Jail Management and Penology (BJMP) mula Enero hanggang Oktubre ngayong taon. Bahagi ito ng inisyatiba na paluwagin ang mga kulungan sa bansa. Sa isa ng kalatas, sinabi ni Department of the Interior […]
-
Five months ginawa ang pinupuring gown na isinuot: HEART, ‘di kataka-taka na itinanghal na Female Sparkle of the Night sa ‘GMA Gala 2023’
NAPA-EMOTE o napatanong si Pokwang sa kanyang Facebook account. May kinalaman pa rin ito sa nag-viral na issue ni Lea Salonga sa Pinoy fans na gustong magpa-picture sa kanya sa dressing room sa Broadway. Nag-reply kami sa naging FB post ni Pokwang na, “valid question” naman ang kanyang tanong. Sabi nga niya, love naman niya […]