PBA kumikilos na para masimulan ang season
- Published on July 8, 2021
- by @peoplesbalita
Desidido ang Philippine Basketball Association (PBA) management na masimulan na ang PBA Season 46 Philippine Cup sa third week ng Hulyo.
Kaya naman nakikipagtulungan na ito sa Metropolitan Manila Development Authority (MMDA) para maplantsa ang lahat ng kakailanganin sa season opening.
Nakipagkita ulit si PBA commissioner Willie Marcial kay MMDA chairman Benhur Abalos dahil nais ni Marcial na maging kaakibat ng liga ang MMDA sa pagpapatupad ng mga patakaran at guidelines ng Inter-Agency Task Force (IATF).
Nagbigay ng pangako si Abalos na tutulong ito upang masimulan ang season ng liga ngunit kailangan lang aniyang masiguro ang kaligtasan ng lahat ng taong gagalaw sa pagbubukas ng liga.
“Basketball is the Filipinos’ national pastime. But there is no denying that the PBA is struggling now because of the pandemic. We have to ensure the safety of everyone, not only the players, but the general viewing public. We cannot compromise the health and well-being of all,” ani Abalos.
Sanay na ang PBA sa pagpapatupad nito dahil dumaan na ito sa bubble setup noong nakaraang taon sa Clark, Pampanga para matagumpay na matapos ang Season 45 Philippine Cup.
May ilang pagbabago lamang sa taong ito dahil target ng PBA na ganapin ang season sa isang semi-bubble setup kumpara sa full bubble na ginamit noong nakaraang taon.
Sa semi-bubble, home-venue-home ang magiging galawan ng mga players, coaches, staff at officials.
Target gamitin ang Ynares Center sa Antipolo City at Ynares Sports Center sa Pasig City na venue ng mga laro.
-
Pinas, nakapagtala ng $655M deals sa China Intl Import Expo
NAGTAPOS ang partisipasyon ng Pilipinas sa 5th China International Import Expo (CIIE) sa “high note” na may total sales and deals na nagsara sa record na $655.15 million. Sinabi ng Department of Foreign Affairs (DFA) na napagtagumpayan ng bansa ang target na nalampasan ang nakaraang taon na CIIE sales na $597 million, o 9.74%. “The […]
-
DepEd at DOH inilatag na ang guidelines ng limited face-to-face classes
Pormal nang nilagdaan nina Education Secretary Leonor Magtolis Briones at Health Secretary Francisco Duque III ang Joint Memorandum Circular para sa pilot implementation ng Limited Face-to-face Learning Modality. Magkasamang binuo ng DepEd at DOH ang operational guidelines upang masiguro ang kaligtasan ng mga lalahok na mag-aaral, guro, at iba pang school personnel at […]
-
COVID-19 positivity rate sa NCR, bumaba sa 7.8 percent – OCTA
BUMABA ng may 7.8 percent ang COVID-19 positivity rate sa National Capital Region (NCR) nitong Nobyembre 7 mula sa 9.5 percent noong October 31. Ayon kay Dr. Guido David ng OCTA research group, ang positivity rate ay yaong bilang ng mga taong napapatunayang may virus makaraang sumailalim sa COVID-19 test. Sinabi ni David […]