Ex-DBM procurement head ‘susi’ sa overpriced face mask, face shield
- Published on August 21, 2021
- by @peoplesbalita
Hinikayat ni Senate Minority Leader Franklin M. Drilon ang nagbitiw na si dating Budget Undersecretary Lloyd Christopher Lao na isiwalat ang mga nalalaman sa overpriced na face mask at face shield na binili ng Department of Health sa pamamagitan ng Procurement Service ng Department of Budget and Management.
Naniniwala si Drilon na si Lao ang “missing link” sa natuklasan ng Commission on Audit na overpriced na mga medical supplies kabilang ang face masks at face shields.
Ayon kay Drilon, dapat gawin ang lahat upang magkaroon ng linaw sa isyu kung saan naglagak ang Department of Health (DOH) ng P42 bilyon sa DBM procurement service subalit kinuwestyon ng COA dahil sa kawalan ng documentary requirement.
“He leaves behind him so many questionable transactions which we will dig into. We will not leave any stone unturned in uncovering what could be a possible overpricing in procurement service,” ani Drilon
Si Lao ang dating pinuno ng procurement service ng DBM na ayon kay Drilon ay nanahimik buhat nang magbitiw sa puwesto noong Hunyo 2021.
Kung totoo umanong nagkaroon ng overpricing ay dapat ipaliwanag ni Lao o posibleng sangkot siya rito.
May posiblidad aniya na umabot sa P1 bilyon ang overpricing sa pagbili ng face mask at face shields.
Ayon kay Drilon, bumili ang DBM-PS ng 113,904,000 piraso ng face mask mula sa iba’t ibang supplier sa mataas na presyo kung saan umabot pa ito sa P27.72 bawat isa.
Ang nasabing halaga ay mataas umano ng P2 hanggang P5 sa suggested retail price (SRP) na inilabas ng DOH.
Nakasaad sa report ng COA na nagkakahalaga naman ng P120 kada piraso ang biniling 1,317,711 face shield ga- yong sa SRP ng DOH ito ay dapat P26 hanggang P50 lamang. (Daris Jose)
-
Camila Cabello & James Corden Stop Traffic With Cinderella Flash Mob
CAMILA Cabello and James Corden stopped Hollywood traffic with a flash mob to promote the upcoming film, Cinderella. Sony first announced the development of the Cinderella film in 2019, but amid Covid-19 concerns, the studio canceled the film’s theatrical release and sold the film to Amazon. Now, it is scheduled for release on Amazon Prime on September 3rd, […]
-
Mas maraming medical programs sa ilalim ng administrasyong PBBM
TINATAYANG may anim na medical programs ang binuksan sa loob lamang ng isang taon sa ilalim ng administrasyong Marcos. Bahagi ito ng pagsusulong ng Commission on Higher Education’s (CHED) para itaas ang bilang ng public universities na nag-aalok ng medical programs. Sa press briefing sa Malakanyang, sinabi ni CHED Commissioner Prospero […]
-
MANILA ZOO, MAGBUBUKAS BAGO MAG-PASKO
BAGO sumapit ang Kapaskuhan, muling bubuksan sa publiko ang Manila Zoo, ayon sa Pamahalaang Lungsod ng Maynila. Ang Manila Zoo ay pansamantalang isinara mula noong Hunyo 2022 at ang reopening nito ay kasunod ng pagnanais ng ating mga kababayan na makapamasyal sa panahon ng Christmas season kasama ang kanilang mahal sa Buhay […]