Pinoy jins sumipa ng 10 medalya
- Published on August 21, 2021
- by @peoplesbalita
Sumipa ang national taekwondo jins ng dalawang ginto, dalawang pilak at anim na tansong medalya sa 2021 World Taekwondo Asia Poomsae Open Championships na ginanap via online.
Nanguna sa kampanya ng Pinoy squad sina June Ninobla at Cyd Edryc Esmaña na nakahirit ng ginto sa kani-kanyang kategorya.
Nasungkit ni Ninobla ang korona sa men’s under-60 category matapos magtala ng 7.430 puntos para talunin sina silver medalist Liao Yun-Cheng ng Chinese Taipei (7.090) at bronze winners Ill Joong Yang ng Australia (6.940) at Balram Yadav ng India (6.770).
Nakatanso rin si Ninobla kasama ang anak nitong si Jocel Lyn sa family pair category mula sa nakuha nitong 7.790 puntos.
Humirit naman ng ginto si Esmana sa men’s cadet individual category kung saan nakakuha ito ng 7.680 puntos.
Galing naman ang pilak sa magkapatid na Vincent at Paul Rodriguez sa family pair category tangan ang 7.850 puntos — kapos lamang ng 0.030 puntos mula kina gold medalists Nur Humaira Abdul Karim at Nurul Hidayah Abdul Karim ng Malaysia.
Nakapilak din si Shellah Agman sa female individual Children 1 class bitbit ang iskor na 6.920.
Ang iba pang tanso ay mula kina Nikki Oliva (female individual freestyle), Rodolfo Reyes Jr. (male individual under-30), Angelica Joyce Gaw (female individual under-30), at kina Julianna Martha Uy at Acey Kiana Oglayon (female individual cadet).
-
NET 25, patuloy ang paghataw ngayong 2023: Bagong ‘Oppa ng Bayan’ na si DAVID, bibida sa sitcom na ‘Good Will’
ANO nga ba ang tunay na kahulugan ng mana? Ito ba’y nasusukat lamang sa yaman o dami ng ari-arian? Sapat na ba ito para mabuhay nang ‘happy ever after?’ O meron bang mas makahulugang aral na hihigit pa sa makamundong pamumuhay? Meron nga bang kaligayahang hindi mabibili o matutumbasan ng salapi? Ito ang kuwento ni […]
-
DINGDONG, ‘di pa rin makapaniwala na kaybilis ng panahon at two years old na si SIXTO
MAY throwback post si Kapuso Primetime King Dingdong Dantes kasama ang kanyang bunsong anak na si Jose Sixto Dantes IV, na nagsi-celebrate today, April 16 nang ikalawa niyang kaarawan. Sa IG post ni Dingdong noong April 14, ibinahagi nga niya ang larawan nilang mag-ama na kuha noong nakaraang taon. May caption […]
-
Pacquiao camp, binawi ang isyu ng retirement
Nilinaw ngayon ni MP promotion president Sean Gibbons na hindi pa talaga magreretiro si eight division world boxing champion Manny Pacquiao. Taliwas ito sa naunang mga pahayag ng kampo ni Pacquiao, na tinatapos na fighting senator ang kaniyang boxing career para makapag-focus sa politika. Ayon kay Gibbons, bagama’t wala pang malinaw […]