59 schools na napili sa face-to-face classes tinukoy na ng DepEd

Pormal nang inanunsiyo ngayon ng Department of Education (DepEd) ang inisyal na pagpili sa 59 na pampublikong mga paaralan sa bansa para sa gagawing face-to-face classes.

Ang naturang bilang ay mula sa 638 na nominadong mga paaralan matapos makapasa sa granular risk assessment ng Department of Health (DOH).

Paliwanag ng DepEd, maingat na tinukoy ng DOH Epidemiology Bureau ang mga kinilalang paaralan na kabilang sa minimal or low risk, batay sa Alert Levels ng mga probinsya/highly urbanized cities (HUC)/ independent component cities (ICC) at risk category ng munisipalidad at siyudad.

Base sa nakapaloob sa DepEd-DOH Joint Memorandum Circular on the Pilot Implementation of Face-to-Face Classes, nasa proseso na raw ng pagbibigay ng karagdagang proteksyon para sa paghahanda ng mga paaralan sasali sa pilot phase.

Kabilang sa gagawin ng DepEd ay ang pangangasiwa sa site inspection at simulasyon para sa pagtiyak ng pagkakaroon ng school implementation and contingency plan, hygiene at sanitation materials, handwashing facilities, at standard classrooms, at iba pa.

Samantala, magbibigay ang DOH ng isang rolling assessment tuwing Lunes upang madagdagan ang bilang ng mga kalahok na paaralan hanggang sa umabot sa 120.

Ang pilot implementation ng face-to-face classes ay ipatutupad sa loob ng dalawang buwan.

Sinasabing target ang pagsisimula nito sa November 15, 2021.

Narito ang unang mga eskwelahan na napili ng DepEd para sa face-to- face classes.

Sa Luzon:

Asid Elementary School – City of Masbate, Masbate
Sinalongan Elementary School – City of Masbate, Masbate
Gutusan Elementary School – City of Masbate, Masbate
Mary B. Perpetua National High School – Milagros, Masbate

Sa Visayas:

Laserna Integrated School – Nabas, Aklan
Igsoro Elementary School – Bugasong, Antique
Mayabay Elementary School – Barbaza, Antique
Busay National High School – Moalboal, Cebu
Basak Elementary School – Samboan, Cebu
Mahanlud Elementary School – Malabuyoc, Cebu
Cabagdalan Elementary School – Balamban, Cebu
Combado Elementary School – City of Bogo, Cebu
Slocon Elementary School – City of Bogo, Cebu
Odlot National High School – City of Bogo, Cebu
Don Potenciano Catarata Memorial National High School – City of Bogo, Cebu
Bartolome Planar Memorial National High School – City of Bogo, Cebu
Luyongbaybay Elementary School – Bantayan, Cebu
Cañang-Marcelo Luna National High School – Oslob, Cebu
Pilar National High School – Pilar, Cebu

Sa Mindanao:

Siay Central Elementary Schoo – Siay, Zamboanga Sibugay
Sibuguey Elementary School – Siay, Zamboanga Sibugay
Siloh Elementary School – Siay, Zamboanga Sibugay
Manga National High School – Pagadian City, Zamboanga del Sur
Manga Elementary School – Pagadian City, Zamboanga del Sur
Lala National High School – Pagadian City, Zamboanga del Sur
Lala Elementary School – Pagadian City, Zamboanga del Sur
Lenienza Elementary School – Pagadian City, Zamboanga del Sur
Cadalagan Elementary School – Zamboanga City, Zamboanga del Sur
Tolosa National High School – Zamboanga City, Zamboanga del Sur
Sinunuk Elementary School – Zamboanga City, Zamboanga del Sur
Sibulao National High School – Zamboanga City, Zamboanga del Sur
Manalipa Integrated School – Zamboanga City, Zamboanga del Sur
Pasilmanta Elementary School – Zamboanga City, Zamboanga del Sur
Tumalutab Elementary School – Zamboanga City, Zamboanga del Sur
Landang Gua Elementary School – Zamboanga City, Zamboanga del Sur
ABNHS-Landang Gua Annex – Zamboanga City, Zamboanga del Sur
Panganak Elementary School – Zamboanga City, Zamboanga del Sur
Blancia Elementary School – Molave, Zamboanga del Sur
Sominot National High School – Sominot (Don Mariano Marcos), Zamboanga del Sur
Parasan National High School – Molave, Zamboanga del Sur
Tabina, Elementary School – Tabina, Zamboanga del Sur
Kumalarang National High School – Kumalarang, Zamboanga del Sur
Guipos National High School – Guipos, Zamboanga del Sur
San Vicente Elementary School – Payao, Zamboanga Sibugay
Dalama Central Elementary School – Baroy, Lanao del Norte
Babalaya Elementary School – Bacolod, Lanao del Norte
Napo Elementary School – Linamon, Lanao del Norte
Masibay Integrated School – Nunungan, Lanao del Norte
Tambacon Integrated School – Magsaysay, Lanao del Norte
Marcela T. Mabanta National High School – Kauswagan, Lanao del Norte
Pag-asa Integrated School – Alabel, Sarangani
James L. Chiongbian National High School – Kiamba, Sarangani
Colon National High School – Maasim, Sarangani
Maguling National High School – Maitum, Sarangani
Daan Suyan Nationl Integrated School – Malapatan, Sarangani
Baliton Elementary School – Malungon, Sarangani
Lamlifew IP Integrated School – Malungon, Sarangani
Paco National High School – City of Kidapawan, North Cotabato
Bato Elementary School – Makilala, North Cotabato

“Habang tinitignan natin ang implementasyon ng aktuwal na pilot run ngayong taon, inaasahan natin ang suporta ng lahat sa dahan-dahan na pagbabalik ng mga pisikal na klase hanggang sa mga susunod pang pagkakataon. Ang ating katapatan sa sama-samang responsibilidad para mabigyan ng proteksyon ang lahat ay ang susi sa ating ligtas na pagbabalik-eskuwela,” bahagi ng statement ng DepEd. (Daris Jose)