Lacson-Sotto tandem nangabog sa Twitter
- Published on November 16, 2021
- by @peoplesbalita
Ang tambalan nina Partido Reporma chairman at standard-bearer Panfilo “Ping” Lacson at Senate President Vicente “Tito” Sotto ang may pinakamaraming tunay at lehitimong follower sa Twitter, ayon sa random bot analysis at independent monitoring na ginawa ng isang Reddit user.
Gamit ang sample size na 5,000 account mula sa 44,155 followers ng Lacson-Sotto sa kanyang verified personal Twitter account (@iampinglacson), nadiskubre ng Reddit user na may code name na ‘PancitLucban’ na ang Lacson-Sotto tandem ang may ‘most organic following’ o hindi artipisyal na engagement mula sa kanyang mga follower, kumpara sa apat na iba pang presidential aspirant.
Ang proseso ng pagpili ay random gamit ang SurveyMonkey at Tweepy upang makuha at maorganisa ang mga datos mula sa application program interface ng Twitter. Ginamit naman ang Botometer software para maihiwalay ang mga bot, pinaikli para sa robot o computer program, mula sa totoong account.
“Botometer uses Complete Automation Probability (CAP) to visualize and analyze account behavior. To put it simply, this is the variable they use to determine a ‘bot score,’” paliwanag ni PancitLucban sa kanyang report.
Sa kanyang pagsusuri, nag-set ng 90 porsyentong CAP ang Reddit user, na nagresulta ng 9.08 porsyento ng Twitter bot follower para kay Lacson at 2.77 porsyento naman kung naka-set sa 95 porsyento ang CAP.
Nangangahulugan ito na malaking bilang o karamihan sa kanyang mga follower ay organic o lehitimong account.
Iba-iba naman ang naging resulta mula sa tatlong iba pang mga presidential aspirant. Si Vice Pres. Leni Robredo (@lenirobredo) ay may 628.3K followers, si Manila Mayor Isko Moreno (@IskoMoreno) naman ay may 934.4K followers, habang si ex-senator Bongbong Marcos (@bongbongmarcos) ay may 957.9K followers.
Wala pang datos sa Twitter analytics para sa dalawa pang presidential aspirant na sina Sen. Manny Pacquiao at labor leader Leody de Guzman.
Si Pacquiao ang may pinakamaraming follower (2.6 milyon) sa Twitter sa lahat ng mga presidential bet, na pinalakas ng kanyang pagiging worldwide celebrity bilang boxing icon. Habang si De Guzman ay may 19.4K follower bagaman hindi pa verified ang kanyang account.
-
PBBM, bineto ang ilang probisyon ng Amendments to Agricultural Tarrification Act
BINETO (veto) ni Pangulong Ferdinand Marcos Jr. ang ilang probisyon ng Amendments to Agricultural Tariffication Act. Ang katuwiran ng Pangulo, makapagdadala ito ng hindi kanais-nais na mga resulta kaysa sa kanilang mga nakikitang benepisyo. Ipinalabas ng Malakanyang ang veto message ng Pangulo, ilang sandali pa matapos lagdaan ni Pangulong Marcos […]
-
PNP stations sa buong bansa, naka-full alert na ngayon
INANUNSYO ng Philippine National Police (PNP) na naka-full alert na ang lahat ng istasyon nito bilang bahagi ng pagsisikap na matiyak na matiwasay at payapa ang May 9 national and local elections (NLEs). “We are all systems go. We have placed all police stations nationwide on full alert status,” ayon kay PNP chief […]
-
Sa viral ‘kandungan’ video nila ni Kobe: KYLINE, walang dapat i-explain and ‘what you see is what you get’
PATULOY ngang naba-bash ang Kapuso actress na si Kyline Alcantara, matapos mag-viral ang ‘kandungan’ video nila ng rumored boyfriend na si Kobe Paras. Makikita nga sa kumalat na video na nakakandong si Kyline kay Kobe habang kumakanta ang huli ng “Hinahanap-Hanap Kita” ng Rivermaya. Nakapulupot ang mga braso ng cager sa baywang ng dalaga hanggang […]