HERBERT, good influence kay RUFFA kaya botong-boto si ANNABELLE

MATAGAL nang pinag-uusapan kung sino ang ‘beautiful girlfriend’ ni Senatorial candidate Herbert Bautista, at maraming nagsasabi na si Ruffa Gutierrez daw iyon.

Pero ayaw umamin ni Herbert at mas mabuti raw kung si Annabelle Rama, mom ni Ruffa, ang tanungin, kaya naman ang nakulit ay si Jun Lalin, close friend ng mga Gutierrez. Sumagot naman si Annabelle na gusto niya si Herbert dahil mabait daw ang dating Quezon City Mayor, guwapo at bright.

Good influence daw si Herbert kay Ruffa, na tapusin nito ang college niya, kaya ngayon ay naka-enrol online, at next year ay magtatapos na ito.  Tinutulungan din daw ni Herbert sa pagri-review si Ruffa.

Medyo raw maliit si Herbert, pero okey daw lamang iyon, at dagdag pa ni Annabelle, ay suportado ng pamilya nila ang pagkandidatong Senador ni Herbert.

So, ngayon ang hinihintay na ay kung aamin na ba si Herbert na si Ruffa nga ang ‘beautiful girlfriend’ niya?

*** 

LABIS-LABIS ang pasasalamat ni Kapuso actress at bida ng afternoon prime drama series na Las Hermanas na si Yasmien Kurdi, nang tanggapin niya ang dalawang top awards bilang isang actress.

Tinanggap ni Yasmien ang “Most Inspiring Filipino Actress of the Year” mula sa 2021 Gintong Parangal at ang “Most Remarkable Actress of the Year” mula sa Dangal ng Lahi Awards.

   “Maraming salamat po, nakakataba ng puso na mahanay at makasama ang mga taong mahuhusay sa iba’t ibang larangan o propesyon.  Gusto ko pong magpasalamat sa aking GMA family for trusting me with beautiful and inspirational roles, in that way I get to inspire also other people thru the roles I play.  And above all, thank you Lord God for keeping us safe especially during this pandemic.”

Marami nang magagandang roles na nagampanan si Yasmien at ngayon nga ay hinahangaan siya bilang si Dorothy sa story ng tatlong magkakapatid sa Las Hermanas, kasama niya sina Thea Tolentino as Mimi at Faith da Silva as Scarlet.

Kasama rin nila sina Albert Martinez, Jason Abalos at Lucho Ayala. Napapanood sila daily, 2:30 PM sa GMA-7, after ng Eat Bulaga.

***

NAG-RENEW si Kate Valdez ng exclusive contract niya sa GMA Network, after six years na niya bilang Kapuso.

Labis ang pasasalamat ni Kate dahil sa loob  ng six years ay nakaganap na siya ng iba’t ibang role sa mga series na ibinigay sa kanya.

 “Masaya po ako na kahit pandemic ay hindi ako nawawalan ng work,” sabi ni Kate.

“Inaamin ko po na medyo nahirapan ako nang una kaming mag-lock-in taping sa ‘Anak ni Waray vs Anak ni Biday’, pero ngayon ay nasasanay na ako at nakita ko rin na mas nagkakaroon kami ng bonding ng mga kasama kong artista at mas mabilis ang trabaho namin.”

Kasama ngayon si Kate sa cast ng Stories From The Heart: Love on Air (na napapanood after ng Las Hermanas) kasama ang magka-love team na sina Gabbi Garcia at Khalil Ramos.  Enjoy si Kate sa bago niyang serye dahil romantic-comedy ito at first time niyang nakasama ang magka-love team.

Nakumusta tuloy ang love life ni Kate, natawa siya dahil zero raw ang love life niya at sa ngayon ay wala rin siyang suitors.   Hindi raw kasi niya kayang pagsabayin ang work at studies niya sa love life niya.

(NORA V. CALDERON)