Donasyon para sa binagyo, dumagsa sa Maynila
- Published on December 22, 2021
- by @peoplesbalita
Dumagsa ang libu-libong donasyon sa isinagawang ‘donation drive’ ni Manila City Mayor Isko Moreno para sa mga pamilyang nasalanta ng bagyong Odette sa Visayas at Mindanao.
Daan-daang sako ng bigas at mga donasyong pagkain ang dinala ng mga may mabubuting-loob na mamamayan sa repacking station sa P. Noval Street sa Maynila na dinagsa rin ng mga volunteers.
Pinasalamatan ni Moreno ang mga donors at kaniyang mga tagasuporta sa pagtugon sa kaniyang panawagan ng tulong sa mga kababayan.
Nitong Biyernes lamang inilunsad ni Moreno ang “Tulong ng Manilenyo sa mga Nasalanta ni Odette donation drive” kasabay ng apela sa mga negosyanteng Manilenyo na mag-ambagan.
“Maraming Salamat sa mga nagpadala ng tulong! Tuloy-tuloy po ang ating isinasagawang Bayanihan para sa mga kababayan nating nasalanta ng Bagyong Odette sa Visayas at Mindanao,” ayon kay Moreno.
Una na ring inaprubahan ng Sangguniang Panglungsod sa pangunguna ni Vice-Mayor Honey Lacuña ang pagpapalabas ng P2.5 milyong pondo na itutulong sa mga nasalanta.
Hahatiin ito ang P1 milyon para sa Cebu, P500,000 sa Bohol, P500,000 sa Leyte, at P500,000 sa Surigao del Norte. (Bishop Jesus “Jemba” M. Basco)
-
Jeepney drivers umaangal sa bagong patakaran ng LTFRB
Umaangal ang mga hanay ng Public Utility Jeepney (PUJ) drivers at operators dahil sa ipinatutupad na mga bagong patakaran ng Land Transportation Franchising (LTFRB) ngayon panahon ng General Community Quarantine (GCQ) sa Metro Manila. Matapos payagan na muling bumalik ang operasyon ng mga PUJs noong narakaang July 3 sa kanilang operasyon, may 30 percent […]
-
RAFAEL NADAL nagkampeon sa Australian Open matapos talunin si Daniil Medvedev
TINANGHAL na kampeonato ng Australian Open si Rafael Nadal matapos talunin si Daniil Medvedev. Nakuha ng tennis star ng Spain ang scorena 2-6, 6-7, 6-4, 6-4, 7-5 ang Russian tennis star. Naging kapana-panabik ang laban ng habulin ng 35-anyos na Spain ang dalawang set ng dominado ni Medvedev dahil sa pagpasok […]
-
Miss Universe HARNAAZ SANDHU, stand-out at hinangaan sa Q & A: India, muling nagwagi after 20 years
AFTER 20 years, muling nagwagi ang India ng Miss Universe crown and title at ito ay napagwagian ng 21-year old na si Harnaaz Sandhu. Huling nagwagi ang India ng Miss Universe crown ay noong 2000 at si Lara Dutta ang Miss India. Una naman silang nanalo ay noong 1994 with Sushmita Sen representing […]