Mga Pinoy sa Tonga, all accounted at ligtas lahat – DFA
- Published on January 21, 2022
- by @peoplesbalita
LIGTAS at accounted daw ang lahat ng mga Pinoy na nasa Tonga kasunod na rin na massive undersea volcanic eruption na naging dahilan ng tsunami warnings sa Pacific na naging dahilan din ng disrupted communiation system.
Ayon sa Department of Foreign Affairs (DFA), hiniling na raw ng Association of Filipinos in Tonga Inc. sa Philippine Embassy sa Wellington na ipaalam sa kanilang mga pamilya dito sa Pilipinas na sila ay ligtas lahat.
Una rito, sinabi ng Philippine Embassy sa New Zealand na wala raw napaulat na namatay na Pinoy sa tsunami sa Tonga maging sa Samoa.
Sinabi ng Philippine Embassy sa New Zealand, na may hurisdiksiyon sa Pacific state na ang Association of Filipinos in Tonga Inc. ay nakipag-ugnayan sa kanila sa pamamagitan ng email.
Ito ay para iulat na lahat daw ng mga Pinoy sa Kingdom of Tonga ay ligtas at accounted naman lahat.
Sa ngayon, hindi pa rin available ang internet at international calls sa Tonga dahil sa nangyaring tsunami.
Sa ngayon patuloy raw na sinisikap ng Philippine diplomats sa Wellington na kontakin ang ating mga kababayan sa Tonga sa pamamgitan ng paggamit ng emergency satellite phone.
Base raw sa indikasyon ng na kanilang nakuha, aabutin pa ng dalawang linggo bago maibalik ang communications system sa naturang bansa.
Nangako naman ang DFA na patuloy nilang imo-monitor ang kalagayan ng mga Pinoy sa Tonga para masigurong ligtas ang lahat ng mga Pinoy.
Kung maalala, nagdulot ng tsunami ang pagsabog ng naturang bulkan na siyang naging dahilan ng tsunami na nagpabaha sa ilang bahagi ng kabisera ng Tonga na Nuku’alofa.
-
Gobyerno, ipinagpaliban ang booster rollout para sa non-immunocompromised children na may edad na 12-17
IPINAGPALIBAN ng national government ang pagbibigay ng kauna-unahang COVID-19 booster dose para sa non-immunocompromised children na may edad na 12 hanggang 17 bunsod ng ilang “glitches” sa Health Technology Assessment Council (HTAC). Ipinaliwanag ni National Vaccination Operations Center (NVOC) chairperson at Health Undersecretary Dr. Myrna Cabotaje na ang HTAC ay gumawa ng kundisyon […]
-
Panlaban sa init, Valenzuela naglagay ng mobile showers
DAHIL sa sobrang init na nararanasan sa lungsod at kakulangan ng tubig sa ilang lugar, naglagay ang Pamahalaang Lungsod ng Valenzuela, sa pangunguna ni Mayor WES Gatchalian ng dalawang mobile shower, sa ilalim ng kanyang “pWEStong Presko: Libreng Shower Ngayong Tag-init,” upang makatulong na makayanan ang kasalukuyang sitwasyon. Ngayong taon, sunud-sunod na umabot […]
-
Diesel, posibleng tumaas ng higit P1 sa susunod na linggo
NAGTAPOS ang apat na linggong sunud-sunod na rollback sa presyo ng mga produktong petrolyo dahil sa asahan naman ang oil price hike sa susunod na linggo, ayon sa Department of Energy. Ayon kay DOE-Oil Industry Management Bureau Director Rino Abad, mayroon silang nakikitang bahagyang pagtaas sa presyo ng mga produktong petrolyo. […]