P7.9 bilyong COVID-19 allowance ng HCWs inilabas na
- Published on February 21, 2022
- by @peoplesbalita
INILABAS na ng Department of Budget and Management (DBM) sa Department of Health (DOH) ang P7.92 bilyon One Covid-19 Allowance (OCA).
Ang nasabing halaga ay nakalaan para sa 526,727 eligible na public at private healthcare workers (HCWs) at mga non-HCWs na ang trabaho ay may kaugnayan sa COVID-19 response.
Sa nasabing halaga, ang P4.50 bilyon ay para sa COVID-19 benefits ng nasa 100,313 DOH plantilla personnel sa mga pampublikong ospital, tanggapan at mga rehabilitation centers kabilang na ang mga military at state university hospitals.
Ang natitirang P3.42 bilyon ay para sa 426,414 health workers na nagrereport sa mga local government units at mga pribadong health facilities.
Sa ilalim ng OCA, ang mga health workers na matutukoy na high risk sa COVID-19 ay makakatanggap ng P9,000 kada buwan samantalang ang moderate risk ang exposure ay P6,000 at ang low risk ay P3,000.
Sinabi ni Health Undersecretary Maria Rosario Vergeire na mas pinabilis na ngayon ang pagpapalabas ng nabanggit na allowance.
“Kung dati po kailangan naming i-validate at i-compute per specific allowance, ngayon po nasa isang lumpsum na po siya na ibibigay natin sa health workers according to their risk classification…Lesser na po ang tsansa para ma-delay ang pag-release natin ng kanilang mga allowances,” ani Vergeire.
Nilinaw din ni Vergeire na walang tinanggal sa allowance ng mga health care workers at ginawa lamang na mabilis ang proseso.
-
Pribadong sektor, hindi nagpapatupad ng ‘no jab, no pay’ policy —Concepcion
ITINANGGI ni Presidential Adviser for Entrepreneurship at Go Negosyo founder Joey Concepcion na nagpapatupad ang pribadong sektor ng “no vaccine, no salary” policy. “‘No jab, no pay,’ that’s not true,” diing pahayag ni Concepcion sa isang virtual press briefing. “None of the companies that we are aware of are implementing ‘no jab, no […]
-
PDu30, pumalag sa isyu na kinokontrol siya ni Sen Bong Go
TUWIRANG sinabi ni Pangulong Rodrigo Roa Duterte na hindi siya kailanman kinokontrol ni Senator Christopher “Bong” Go. Ito ang tugon ni Pangulong Duterte sa naging pahayag ni presidential aspirant at dating Army officer Lieutenant General (ret.) Antonio Parlade Jr. na si Go ay bahagi ng problema ng bansa at kino-kontrol nito ang mga desisyon ng […]
-
ALDEN, nangako na magiging one of a kind experience ang docu-concert na ‘ForwARd’
NANGAKO si Alden Richards na one of a kind experience ang mystery project niya na ForwARd. Sa kanyang Instagram account, pinost ni Alden ang poster ng ForwARd, na isang documentary concert na mula sa direksyon ni Frank Lloyd Mamaril. The documentary concert is set to air January 30, 2022, at 8 […]