Gobyerno ng Pinas, nagpaabot ng tulong sa mga OFWs sa HongKong na tinamaan ng Covid-19
- Published on February 22, 2022
- by @peoplesbalita
NAGPAABOT ng tulong ang gobyerno ng Pilipinas sa pamamagitan ng Philippine Overseas Labor Office (POLO) sa Hong Kong, sa mga overseas Filipino workers (OFWs) na nag-positibo sa COVID-19.
Sinabi ni acting Presidential Spokesperson at Cabinet Secretary Karlo Nograles na ang POLO ang siyang agarang nagbigay sa mga OFWs ng pagkain, hygiene kits at power banks para hayaan ang mga ito na makapag-communicate habang naghihintay ng tawag mula sa Center for Health Protection at HK Labour Department.
Idagdag pa rito, nakikipag-ugnayan naman ang POLO sa non-government organization upang magbigay ng isolation facility para ma- accommodate ang ilang OFWs.
Nakikipag-ugnayan din aniya ang POLO sa HK Labour Department, kung saan nagtayo ng isolation facility para sa mga kababayang Filipino, pending admission sa quarantine facility, maliban pa sa pagbibigay ng transportation arrangements.
Nagbigay din ang POLO ng USD200 para sa “after care financial assistance to those who recovered from COVID-19.”
“Of our 28 kababayans in Hongkong who tested positive for COVID-19, as of February 19, 2022, five have already recovered, and 3 of whom are back to their respective employers,” ayon kay Nograles.
Samantala, magbibigay naman ang Overseas Workers Welfare Administration (OWWA) ng USD200 para sa bawat COVID-positive OFW. (Bishop Jesus “Jemba” M. Basco)
-
Paniwala na may kanya-kanyang timeline: BEA, ‘di nagmamadali o nakikipag-unahan na mag-asawa at magka-anak
SA ‘Ask Away’ ng Kapuso actress na si Bea Alonzo sa kanyang Instagram Story, may isang netizen na nagtanong ng, “You’re not getting any younger po, when will you get married and have kids like Marian, Anne, Jennylyn, etc.?” At maayos at pabiro naman niya itong sinagot na, “May taxi?!” Dagdag […]
-
Metro Manila malapit ng magkaroon ng 6 police districts
MALAPIT ng magkaroon ng anim na police district ang National Capital Region (NCR) kasunod ng panukalang Caloocan City Police District (CCPD) na nangangailangan lamang ng green light mula sa National Police Commission (Napolcom). Ayon kay City Police Station chief Col. Ruben Lacuesta na ang panukala ay matagal nang isinumite ng mga nakatataas sa […]
-
LTFRB nakahanda sakaling matuloy ang tigil-pasada
TINIYAK ng Land Transportation Franchising and Regulatory Board (LTFRB) sa publiko na sila ay nakahanda sa bantang tatlong araw na tigil-pasada ng ilang transport group kasabay ng ikalawang State of the Nation Address (SONA) ni Pangulong Ferdinand Marcos Jr. Ayon kay LTFRB Board Member Mercy Jane Leynes, na magpapakalat sila ng mga sasakyan […]