Pumirma sila ng waiver na payag gawin ang eksena: RHIAN, first time na nakipag-love scene na hindi lang isa kundi dalawa pa

BALIK-HOSTING si Kapuso Primetime King Dingdong Dantes, pagkatapos ng huli niya, na StarStruck 7.  

Muling iho-host ni Dingdong ang Family Feud, ang Philippine version ng popular American game show na muling ibabalik ng GMA-7.

Ito ang ipapalit ng GMA-7 sa Dapat Alam Mo  ang informative show hosted by Kuya Kim (Kim Atienza), Patricia Tumulak at Emil Sumangil, na pansamantalang inilagay sa timeslot ng Wowowin ni Willie Revillame na nagpaalam na sa telebisyon noong February 11, 2022.

Matagal na rin palang plano ng GMA Network, na ibalik ang Family Feud bilang isang weekly game show, napadali lamang nang magpaalam nga si Willie at nagkaroon ng bakanteng timeslot.

Last February 23, may Instagram post si Dingdong ng studio set, at caption niya, “The stage is set… it’s time to have some fun!” At noong March 3, lumabas na ang teaser ng “Family Feud:  THE WORLD’S FAVORITE GAME SHOW.”

Sasamahan tayo ni Dingdong Dantes bilang Game Master sa Family Feud Philippines na magsisimula ngayong March 21.

***

NAKABANTAY pala si Senator Bong Revilla, tuwing nagti-taping sila ng leading lady niya na si Ms. Universe Philippines 2020 Rabiya Mateo ng fantasy-action series nila ang Agimat Ng Agila, Season 2.  

Isa kasing secret agent si Rabiya as Agent Asha Raj sa story kaya kinailangan nitong magsanay sa paghawak ng baril at mag-execute ng mga action scenes.

Kaya basta mga ganitong eksena ang gagawin ni Rabiya, naka-stand by si Sen. Bong, dahil totoo ang pakikipaglaban ni Rabiya sa mga kaaway niya.  Bago man lahat iyon kay Rabiya, hindi siya nagreklamo sa mga action scenes na ipinagagawa sa kanya ni Direk Rico Gutierrez, kaya naman hinangaan siya ng mga kasama niya sa serye.

Pero hindi lamang action ang ginawa nina Bong at Rabiya, may mga dance scenes pa sila na dapat panoorin ng netizens this Saturday evening, para malaman kung bakit ang isang action serye ay may dance scenes pa.

Napapanood ang Agimat ng Agila every Saturday after 24 Oras Weekend.

***

EXCITING ang teaser na napapanood sa GMA Afternoon Prime na Artikulo 247 na nagpapakita sa mga pisikalang acting between Rhian Ramos and Kris Bernal. 

Kaya sa virtual mediacon ng serye, inamin nina Rhian at Kris na totoo silang nagkakasakitan sa mga eksena, pero hindi raw talaga maiiwasan dahil intense talaga ang mga eksena.

Difficult but challenging at marami raw silang natutunan sa story dahil mature roles ang ginagampanan nila.

    “Very demanding ang mga scenes namin, very physical at nagkakasakitan talaga kami ni Rhian,” kuwento ni Kris.  “Mahirap kasi kung dadayain namin ang eksena, kaya after each scene, we quickly check on each other and say sorry.”

Kuwento naman ni Rhian, first time niyang nagkaroon ng love scenes sa isang serye, hindi lamang isa kundi dalawa, kina Benjamin Alves at Victor Silayan.

   “Maingat ang staff kaya we have to gargle antiseptic mouthwash to make sure we’re safe to do kissing scenes.  Okay naman , kasi lahat kami, naka-bubble, so very safe for us.  

“Saka, dito, pumirma pa kaming tatlo ng waiver na payag kaming gawin ang love scenes.  Maingat ang GMA sa pagsunod sa mga health protocols sa pagla-lock in taping.”

Directed by Jorron Lee Monroy, nasa cast din sina Mark Herras, Mike Tan, Carla Martinez, Rain Matienzo, Maureen Larrazabal, Denise Barbacena, Brent Valdez at Topper Fabregas.

Sa Monday, March 7, ang world premiere ng Artikulo 247 sa GMA Afternoon Prime after ng Little Princess.

(NORA V. CALDERON)