4 drug suspects huli sa P292K shabu sa Caloocan, Valenzuela
- Published on March 17, 2022
- by @peoplesbalita
TINATAYANG halos P.3 milyon halaga ng shabu ang nasamsam sa apat na hinihinalang drug personalities matapos masakote sa magkahiwalay na buy bust operation ng pulisya sa Caloocan at Valenzuela Cities.
Ayon kay Caloocan police chief Col. Samuel Mina Jr, nakatanggap ang mga operatiba ng Station Drug Enforcement Unit (SDEU) ng impormasyon mula sa isang regular confidential informant (RCI) na nagbebenta umano ng shabu si Zaldy Legaspi alyas “Bulingit”, 22, kaya’t isinailalim siya sa isang linggong validation.
Nang positibo ang ulat, ikinasa ng mga operatiba ng SDEU sa pangunguna ni PMAJ Deo Cabildo, kasama ang 6th MFC RFMB-NCRPO ang buy bust operation sa PNR Dorm, Brgy. 5 dakong alas-6:40 ng gabi kung saan isang pulis na umakto bilang poseur-buyer ang nagawang makipagtransaksyon kay Legaspi ng P10,000 halaga ng droga.
Nang tanggapin ni Legaspi ang marked money mula sa police poseur-buyer kapalit ng isang medium plastic sachet ng shabu ay agad siyang dinakma ng mga operatiba, kasama si Carlito Dela Cruz alyas “Itong”, 31, na nakuhanan din ng isang transparent plastic sachet ng hinihinalang shabu.
Nakumpiska sa mga suspek ang tinatayang nasa 30 grams ng hinihinalang shabu na may standard drug price P204,000.00 at marked money na isang P1,000 bill at siyam P1,000 boodle money.
Sa Valenzuela, nadamba ng mga operatiba ng Valenzuela Police SDEU sa pangunguna ni PLT Joel Madregalejo sa buy bust operation sa Bagong Sibol Purok 4, Brgy., Mapulang Lupa dakong alas-10:20 gabi sina Albert De Lemaalyas “Boychie”, 29 at Edgar Facundo,35.
Ani PCpl Pamela Joy Catalla, nakuha sa mga suspek ang tinatayang nasa 13 grams ng hinihinalang shabu na may standard drug price P88,400, P500 marked money, P200 bills, coin purse at cellphone. (Richard Mesa)
-
Rome Statute, hindi kailanman umiral sa Pinas- Pangulong Duterte
SINABI ni Pangulong Rodrigo Roa Duterte na hindi nailathala sa Official Gazette ang ginawang paglagda ng Pilipinas sa Rome Statute, nagtatag sa International Criminal Court (ICC), kaya’t maituturing na hindi ito kailanman umiral sa bansa. “The executive department has no copy. That’s because what happened was from Congress — Congress ratified it — instead […]
-
AIRLINES PINAALALAHANAN, TANGING DOKUMENTADONG PASAHERO ANG ISASAKAY
NAGPAALALA si Bureau of Immigration (BI) Commissioner Jaime Morente sa mga airlines na siguraduhin na tanging mga karapat-dapat na mga dayuhan ang papayagang sumakay sa kanila patungo sa Pilipinas Sinabi ni Morente na responsibilidad ng isang airlines na siguraduhin na ang mga karapat-dapat na mga dayuhan lamang ang pasasakayin at makapasok sa bansa […]
-
Vaccination accomplishment ng administrasyong Duterte, malaking ambag na maiiwan sa susunod na Administrasyon – NTF against COVID 19
MAITUTURING na malaking ambag para sa papasok na administrasyong Marcos ang maiiwang accomplishment ng Duterte administration sa usapin ng pagbabakuna. Sinabi ni National Task Force Against COVID 19 Chief Implementer Carlito Galvez Jr kay Pangulong Rodrigo Roa Duterte sa Talk to the People ng huli, Lunes ng gabi, maikukunsiderang malaking kontribusyon na ang […]