Kiefer pinagmulta, sinuspinde sa B.League
- Published on March 25, 2022
- by @peoplesbalita
PINARUSAHAN si Shiga Lakestars guard Kiefer Ravena ng pamunuan ng Japan B.League matapos ang ilang beses na unsportsmanlike fouls sa huling laro ng kanilang tropa sa liga.
Pinatawan ang Pinoy cager ng multa at suspensiyon dahil sa dalawang unsportsmanlike fouls na nagawa nito sa laro ng Shiga kontra sa Kyoto noong Linggo kung saan natalo ang kanilang tropa sa iskor na 57-79.
Unang tinawagan ng unsportsmanlike foul ang dating Ateneo de Manila University standout sa first quarter may 4:51 minuto pang nalalabi sa naturang yugto.
Muling nabigyan ng unsportsmanlike foul si Ravena sa fourth quarter kung saan may 4:55 pang natitira sa oras dahilan para mapatalsik ito sa laro.
Kaya naman binigyan si Ravena ng isang larong suspensiyon kung saan hindi ito masisilayan sa Shiga kontra sa Osaka.
Pinagmulta rin si Ravena ng ¥50,000 o katumbas ng halos P25,000.
Isa si Ravena sa inaasahan ng Lakestars matapos magtala ng averages na 12.8 points, 5.9 assists at 2.1 rebounds kada laro kaya’t malaking kawalan ito sa tropa.
Nais pa naman ng Shiga na mapaganda ang kanilang 10-27 rekord sa liga para mapaangat ang kanilang kasalukuyang ika-10 puwesto sa standings.
Inaasahang babawi si Ravena sa oras na makabalik ito sa paglalaro.
-
May mga pasabog at sorpresa sa fans: JULIE ANNE at RAYVER, ikukuwento ang love story sa kanilang concert
IKUKUWENTO nila Julie Anne San Jose at Rayver Cruz ang love story nila sa nalalapit na concert nila na JulieVerse sa November 26 sa Newport Performing Arts Theater. Ayon sa “JulieVer” loveteam, nagsimula silang dalawa bilang co-hosts sa show na ‘The Clash’ hanggang sa maging more than friends na ang turingan nila. Kaya […]
-
Senado, sinimulan na ang debate sa kontrobersyal na Maharlika Investment Fund
SINIMULAN na ng Senado ang debate sa kontrobersyal na Maharlika Investment Fund bills ngayong araw. Ang Senate Bill No. 1670 at House Bill No. 6608, mga panukalang naglalayong lumikha ng pondo, ay tinalakay ng Senate committee on banks, financial institutions and currencies. Kabilang sa mga pinagmumulan ng seed money para sa […]
-
Nominado silang tatlo sa ‘5th EDDYS’… JANINE, minana talaga ang galing sa pag-arte kina CHRISTOPHER at LOTLOT
INILILINYA na ngayon si Andrea Torres sa mga mahuhusay na aktres sa telebisyon lalo pa nga at buong-husay niyang naitatawid ang karakter niya bilang si Sisa sa ‘Maria Clara At Ibarra’. Iisa ang naging reaksyon sa naturang performance ni Andrea, puro papuri at paghanga sa kahusayan niya bilang isang aktres. “Hindi […]