Kaso ng COVID-19 posibleng pumalo sa 35K sa eleksyon – DOH
- Published on April 18, 2022
- by @peoplesbalita
MAAARING magkaroon ng halos 35,000 aktibong kaso ng COVID-19 sa araw ng eleksyon sa Mayo 9, dahil sa patuloy na pagbaba nang pagsunod sa minimum public health standards (MPHS), ayon sa Department of Health (DOH).
Sinabi ng DOH na sa naging pagtaya ng mga eksperto sa epidemiologic modelling, ang bansa ay maaaring nagkaroon ng mababang bilang ng mga kaso mula Marso hanggang Abril subalit dahil sa pagbaba naman ng pagsunod sa MPHS ay maari na itong magbago.
Ang mga rate ng pagsunod sa panahong ito ay tinatayang nasa 7 porsiyento sa buong bansa, at -12 porsiyento sa National Capital Region (NCR).
Batay sa modelong Susceptible-Exposed-Infectious-Recovered with Vaccination and Reinfection (SVEIR) na ginamit ng sub-Technical Working Group on Data Analytics (sTWG DA) at ang Feasibility Analysis of Syndromic Surveillance using Spatio-temporal Epidemiological Modeler for Early Detection of Diseases (FASSSTER) Team, ang pagbaba sa MPHS compliance ay magiging dahilan sa pagtaas ng mga bilang ng aktibong kaso ng COVID-19.
Ayon sa DOH na inaasahang ang pagbaba ng 20 porsiyento sa pagsunod sa MPHA sa national level ay posibleng humantong sa humigit-kumulang 34,788 aktibong kaso sa kalagitnaan ng Mayo. (Daris Jose)
-
MIKEE, umaming naging gamot ang ‘BTS’ nang dumaan sa matinding krisis dahil sa pandemya
ANG South Korean boy band na BTS ang naging gamot ng Kapuso actress na si Mikee Quintos noong dumaan siya sa isang matinding krisis dahil sa pandemya. Kuwwento ng isa sa music artists ng GMA Playlist, nagsimula siyang mag-collect ng BTS mechandise dahil napapagaan nito ang kanyang kalooban. Masaya raw siya tuwing may nabibili […]
-
6 nalambat sa P387K shabu sa Navotas
KALABOSO ang anim na drug suspects, kabilang ang dalawang high value individual (HVI) ang matapos makuhanan ng halos P.4 milyon halaga ng shabu makaraang matiklo sa magkahiwalay na buy bust operation sa Navotas City. Ayon kay Northern Police District Drug Enforcement Unit (DDEU) chief PLt. Col. Renato Castillo, dakong alas-10 ng gabi […]
-
Paggalang sa karapatang pantao kasunod ng paghihigpit sa ‘di pa mga bakunado, maaasahan – PNP
TINIYAK ng Philippine National Police (PNP) na walang matatapakan na karapatang pantao sa gagawing paghihigpit sa pagkilos ng mga hindi pa bakunadong indibidwal kontra COVID-19 (Coronavirus Disease 2019) sa Metro Manila. Ayon kay PNP Chief Police General Dionardo Carlos, ipatutupad nila ang “maximum tolerance” sa pagpapatupad ng bagong patakaran at pantay nila itong […]