Casimero-Butler fight kanselado uli
- Published on April 22, 2022
- by @peoplesbalita
MULING mauudlot ang laban nina reigning World Boxing Organization (WBO) bantamweight champion John Riel Casimero at Paul Butler sa Abril 23 na gaganapin sana sa M&S Bank Arena sa Liverpool, England.
Ito ay matapos lumabag si Casimero sa patakaran ng British Boxing Board of Control (BBBC) kung saan ipinagbabawal ang paggamit ng sauna ilang araw bago ang laban.
Ayon sa patakaran ng BBBC, hindi pinapayagan ang sinumang boksingero na gumamit ng sauna upang mabawasan ang timbang nito bago ang official weigh in ng laban.
Mismong si Casimero ang nagpost sa kanyang YouTube account na nasa sauna ito matapos dumating sa England noong nakaraang linggo.
Wala na ang video sa kanyang account.
Nagpadala na ng sulat ang BBBC sa mga organizers.
“This is against the BBBofC’s medical guidelines and therefore we cannot permit him to compete in the proposed contest on Friday,” ayon sa sulat ng BBBC na nilagdaan ni General Secretary Robert Smith.
Nakasaad pa sa sulat na nagulat ang BBBC sa mabilis na pagbabawas ng timbang ng Pinoy champion gayong tatlong araw pa lamang itong namamalagi sa England.
Pinagpapaliwanag ng BBBC ang kampo ni Casimero para sagutin ang isyu.
Dahil dito, posibleng mahubaran ng korona si Casimero dahil ito ang ikalawang pagkakataon na mauudlot ang laban.
-
Isa rin sa masugid na taga-suporta ni VP Leni: KYLA, nangangarap din at punumpuno ng pag-asa para sa ating bayan
HIYAWAN ang may 70,000 tagasuporta ni Vice President Leni Robredo noong Biyernes (March 11) sa Paglaum Stadium sa Bacolod City nang iparinig ni Kyla ang kanyang Knock Knock Leni. Isa si Kyla sa mga malalaking pangalan ng showbiz at musika na nagbigay-saya sa isinagawang VP Leni Bacolod rally. Bukod kay Kyla, nagbigay saya […]
-
“Celebrities ATBP laban sa Climate Change”, naging matagumpay
SA gitna ng iba’t ibang galit na galit na panawagan ng mga pinuno ng sa buong na seryosohin ang isyu ng emergency sa klima sa katatapos na United Nations Conference of Parties (COP 27) sa Egypt, higit pa ang kailangang gawin kaysa sa pag-uusap lamang. Ito ang ibinunyag kagabi ng grupo ng mga environmentalist at […]
-
NTC, susuriin at rerebisahin ang broadcast block time deals
INATASAN ng National Telecommunications Commission (NTC) ang lahat ng television at radio companies na magsumite ng kanilang block time deals para sa ‘approval’ ng ahensiya. Nakasaad sa memorandum na ipinalabas ng NTC na may petsang Hunyo 23, ang mga block time deals ay hindi dapat na mahigit sa 50% ng daily airtime broadcast […]