Asian Games ililipat sa 2023?
- Published on April 28, 2022
- by @peoplesbalita
POSIBLENG makansela ang 2022 edisyon ng Asian Games na idaraos sa Hangzhou, China sa Setyembre 10 hanggang 25.
Ito ang usap-usapan sa China kung saan pinag-aaralang ilipat na lamang ito sa susunod na taon.
Nais ng mga organizers na ipagpaliban muna ito dahil mainit pa rin ang coronavirus disease (COVID-19) sa iba’t ibang panig ng mundo kabilang na ang Asya.
Ilang bansa sa rehiyon ang kasalukuyang nasa surge ng COVID-19 dahil sa patuloy na pagtaaas ng bilang ng mga tinatamaan ng virus.
Subalit wala pang opisyal na anunsiyo ang organizers ng Hangzhou Asian Games.
Matagumpay na ginanap noong Pebrero sa Beijing, China ang Winter Olympic Games ngunit idinaos ito sa isang bubble-type setup.
Tiniyak naman ng China na handa ito anuman ang mangyari.
Kumpleto na ang lahat ng 56 venues na gagamitin para sa Asian meet.
“We’re now just making a few final adjustments and improvements to the facilities,” ani Lu Chunjiang na nasa operations ng Hangzhou Olympic Sports Centre.
Ito ang ikatlong pagkakataon na tatayong host ang China sa Asian Games.
Nagsagawa na ng Asian Games sa Beijing noong 1990 at sa Guangzhou noong 2010.
-
50-ANYOS NA MISTER KINADYOT SA LEEG
SUGATAN ang 50-anyos na lalaki ang matapos tarakan sa leeg ng hindi kilalang suspek nang tumanggi ang biktima sa alok ng isang babae na makipagtalik sa kanya sa Malabon City. Nasa stable na kondisyon habang ginagamot sa Tondo Medical Center (TMC) sanhi ng tinamong saksak sa leeg ang biktimang si alyas “Wilson”, ng […]
-
NU undefeated pa rin sa Men’s Volleyball
Matapos ibagsak ang unang dalawang set, bumalik ang National University Bulldogs para manatiling walang talo sa UAAP Season 85 Men’s Volleyball Tournament, 22-25, 22-25, 25-14 25-22, 15-6, laban sa University of the East noong Linggo sa PhilSports Arena. Si Congolese rookie Obed Mukaba ay naghatid ng 18 puntos na binuo sa walong pag-atake, siyam […]
-
Philippine Women’s football team may dalawang laro pa sa Australia bago ang pagsabak sa SEA Games
SINIMULAN na ng Philippine women’s national football team ang kanilang training para sa 31st Southeast Asian Games. Ayon sa Philippine Football Federation (PFF) na ang 25 kababaihan na football players ay nasa Australia ngayon. Pinangunahan ng kanilang coach na si Alen Stajicic ang nasabing womens football team. Bukod kasi […]