PNP, umapela sa mga nagnanais magkasa ng mga kilos protesta na gawin ito sa tamang lugar
- Published on May 12, 2022
- by @peoplesbalita
IGINAGALANG ng Philippine National Police o PNP ang karapatan ng bawat Pilipino na maghayag ng kanilang saloobin, salig sa itinatadhana ng Saligang batas.
Ito’y kasunod ng mga banta ng iba’t ibang grupo na magkilos protesta para tutulan ang isang partikular na kandidato na lumalamang ngayon sa bilangan.
Ayon kay PNP Director for Operations at Deputy Commander ng Security Task Force for National and Local Elections, P/MGen. Valeriano de Leon, hindi naman nila pipigilan ang anumang uri ng pagkilos lalo na kung ito’y paghahayag ng saloobin bilang bahagi ng demokrasya.
Gayunman, umaapela si de Leon sa mga nagnanais na magkasa ng mga pagkilos na maging mahinahon at tiyaking hindi ito makaaabala sa mas nakararami lalo pa’t balik normal na muli ang sitwasyon matapos ang Hatol ng Bayan.
Una rito, ibinabala ni PNP Officer-In-Charge, P/LtG. Vicente Danao Jr na sakaling may mga magmatigas pa rin at magpumilit na balewalain ang batas ay gagamitin ang kanilang buong puwersa para papanagutin ang mga nasa likod nito. (Daris Jose)
-
Mga Pinoy sa Tonga, all accounted at ligtas lahat – DFA
LIGTAS at accounted daw ang lahat ng mga Pinoy na nasa Tonga kasunod na rin na massive undersea volcanic eruption na naging dahilan ng tsunami warnings sa Pacific na naging dahilan din ng disrupted communiation system. Ayon sa Department of Foreign Affairs (DFA), hiniling na raw ng Association of Filipinos in Tonga Inc. […]
-
‘Huwag Kang Mangamba’, nakakuha ng nominasyon sa prestihiyosong ContentAsia Awards 2021
NAKAKUHA ng nominasyon ang Kapamilya teleseryeng Huwag Kang Mangamba bilang Best Drama Series/Telefilm Made for a Single Asian Market sa prestihiyosong ContentAsia Awards 2021. Makakatapat ng inspirational teleserye ang iba pang apat na nominadong programa mula sa Asya. Pararangalan naman ang winner sa isang virtual ceremony sa Agosto 27 base sa kahalagahan at pagiging akma nito […]
-
Sigaw ng mga fans ibalik si Baldwin!
GUSTO ng mga fans na ibalik ng Samahang Basketbol ng Pilipinas (SBP) si veteran mentor Tab Baldwin bilang head coach ng Gilas Pilipinas. Sa laban ng Gilas Pilipinas at New Zealand noong Linggo sa FIBA World Cup Qualifiers sa Smart Araneta Coliseum, ilang fans ang sumigaw para ibalik si Baldwin. Mayroong […]