4-door strategy ikakasa ng DOH vs Monkeypox
- Published on May 26, 2022
- by @peoplesbalita
MAGPAPATUPAD ng “four-door strategy” ang pamahalaan kabilang ang paghihigpit sa mga borders ng bansa para hindi makapasok ang bagong monkeypox virus.
“Kasalukuyang 12 bansa na ang may pinakabagong kaso ng monkeypox. Kabilang dito ay siyam na bansa sa Europa pati na rin sa Estados Unidos, Canada at Australia. Dahil dito ang DOH ay pinaigting, katuwang ng ibang national agencies ang four-door strategy,” ayon kay Health undersecretary Abdullah Dumama Jr. sa lingguhang “Talk to the People.”
Kabilang sa istratehiya ay pagpapatupad ng mga restriskyon sa mga biyahero at pagpapatupad ng ban bilang pangunahing lebel ng depensa at dagdag sa umiiral na mga health protocols na ipinatutupad kontra COVID-19.
Pagsasagawa ng ‘screening, testing at quarantine’ sa mga ‘points of entry’ para mabawasan ang banta na posibleng madala ng mga biyahero na maaaring magdulot ng lokal na pagkalat ng virus.
Pagpapalakas ng implementasyon ng ‘prevent-detect-isolate-reintegrate strategies’ para agad na matukoy at maihiwalay kung sino man ang dadapuan ng virus.
At pagpapalakas ng kapasidad pangkalusugan at ‘critical care’ para masagupa ang inaasahang surge ng mga kaso at matiyak din ang tama at napapanahon na pangangalaga sa mga pasyente.
“Ating pagtitibayin ang screening process sa borders para maiwasan ang pagpasok sa bansa,” ayon kay Dumama. (Daris Jose)
-
Closeness nila Kim, kapansin-pansin: PAULO, may tsikang nagkabalikan sila ni JANINE pero naghiwalay ulit
SA kanyang “Showbiz Updates” nung Linggo ay binanggit ni Ogie Diaz ang dahilan kung bakit nagkahiwalay sina Paulo Avelino at Janine Gutierrez. Ayon pa sa sikat at kilalang showbiz insider ay parang walang nakikitang plano si Paulo para sa relasyon nila ni Janine, huh! Ayon pa sa pasabog ng TV host at part time actor […]
-
Para sa isang awitin na “Ready”: STELL, super excited sa collaboration ng SB19 at ni Apl.de.Ap.
KAHIT na naging busy sa kanilang showbiz careers, naging matiyaga sa kanilang pag-aaral ang mga Kapuso stars na sina Lianne Valentin at Shaira Diaz. Kaya naman natapos nila ang kanilang kurso sa kolehiyo at certified graduates na sila. Sa kanyang Instagram, nag-share si Lianne ng ilang clip […]
-
‘Tiyakin na nasusunod ang social distancing sa mga kampanya sa 2022 elections’
Pinatitiyak ni Pangulong Rodrigo Duterte sa Commission on Election (COMELEC) na nasusunod ang social distancing sa mga dumadalo ng campaign rallies sa nalalapit ng 2022 elections. Sa kanyang talk to the people nitong Lunes ng gabi, nagbabala ang pangulo sa pagkakaroon ng recontamination kapag hindi nasunod ang safety protocols ngayong panahon ng kampanya. […]