Mavs nakaiwas sa sweep ng Warriors
- Published on May 27, 2022
- by @peoplesbalita
NAGPOSTE si Luka Doncic ng 30 points, 14 rebounds at 9 assists para igiya ang Mavericks sa 119-109 paggiba sa Golden State Warriors at makaiwas mawalis sa Western Conference finals.
Ito ang ika-10 double-double ni Doncic sa kanyang 14 games sa postseason para sa 1-3 agwat ng Dallas sa kanilang best-of-seven series ng Golden State.
“Just got to finish the game. A win is a win,” sabi ni Doncic na may masamang 10-of-26 fieldgoal shooting.
Nagdagdag si Dorian Finney-Smith ng 23 points at may 18 markers si Reggie Bullock na lahat ay galing sa three-point line.
May 15 points si Jalen Brunson, habang may 13 at 10 markers sina Maxi Kleber at Spencer Dinwiddie, ayon sa pagkakasunod.
Nagsalpak ang Mavericks ng 20 triples para tapusin ang tatlong sunod na kabiguan sa Warriors sa serye.
Nakatakda ang Game Five sa San Francisco.
Umiskor si star guard Stephen Curry ng 20 points para sa Golden State na nakadikit sa 102-110 agwat matapos magtayo ang Dallas ng 29-point lead.
Ngunit hindi na muling nakalapit ang Warriors.
“Just made the decision to see if we could pull off a miracle, but it wasn’t meant to be,” sabi ni coach Steve Kerr sa kanyang tropa.
Ang dunk ni Doncic at ang ikaanim na tres ni Bullock ang muling naglayo sa Mavericks sa 115-102.
Wala pang NBA team na nakabangon mula sa 0-3 deficit at naipanalo ang serye.
Isang beses lang nawalis ang Dallas sa kanilang 34 best-of-seven series.
Ito ay nang dominahin ng Oklahoma City Thunder ang Mavericks sa first round ng 2012 playoffs.
-
Pinoy boxer Michael Dasmariñas todo na ang ensayo sa ilalim ni Freddie Roach
Agad na sinimulan ni Filipino boxer Michael Dasmariñas ang kaniyang ensayo sa ilalim ni trainer Freddie Roach sa Wild Card Gym sa Los Angeles, California. Nasa huling yugto na kasi ng kaniyang paghahanda ang Filipino boxer para sa laban niya kay IBF at WBA Super World bantamweight champion Naoya Inoue na gaganapin sa […]
-
Celine maingat sa praktis
PATULOY pa rin sa pagpapakondisyon si Premier Volleyball League (PVL) star Celine Domingo ng Creamline Cool Smashers maski wala pang petsa ang pagbubukas ng ikaapat na edisyon ng women’s volleyfest sa taong ito. Sa isang Instagram post ng middle blocker kamakailan, kahit mag-isa lang siya sa volley drills, naging seryoso sa training, na naka-face […]
-
LTFRB: Posibleng magkaron ng PUJ fare hikes
INAASAHAN ng Land Transportation Franchising and Regulatory Board (LTFRB) na magkakaron ng panibagong round ng fare hike sa mga public utility jeepneys (PUJs) sa darating na lingo. Ayon kay LTFRB chairman Cheloy Garafil na ang pagtataas ng pamasahe ay sinangayunan na ng LTFRB board subalit hindi pa alam kung P2 o P4 […]