P272 milyon lang nagastos sa kampanya ni BBM
- Published on June 7, 2022
- by @peoplesbalita
KUNG ang Partido Federal ng Pilipinas (PFP) nina president-elect Ferdinand “Bongbong” Marcos Jr. ang paniniwalaan, umabot lang sa P272 milyon ang nagastos nila para sa eleksyong 2022.
Ito ang isiniwalat ni George Briones, general counsel ng PFP, sa ulat ng ABS-CBN News pagdating sa kanilang statement of contributions and expenditures (SOCE) na ihahain sa Commission on Elections (Comelec) ngayong Lunes.
“The PFP spent P272 million by way of expenses in the last 2022 presidential campaign, which is well below the maximum expenditure of P337 million allowed by law for a national political party,” ani Briones kanina.
“The PFP SOCE was signed and prepared by PFP National Treasurer Antonio Ernesto ‘Anton’ Lagdameo who was recently nominated as by President Elect Ferdinand Marcos, Jr. as his SAP or Special Assistant to the President.”
Ang spending limit para sa mga political party ay nasa P5 kada botante na aabot sa P337 milyon. Para sa mga kandidato sa pagkapangulo at pagkabise presidente, P10 kada botante ang pinapayagan, na aabot sa P675 milyon. Inaasahang maghahain din si Marcos Jr. ng sarili niyang SOCE.
Tanging si Sen. Panfilo “Ping” Lacson pa lang ang nagsumite ng kanyang SOCE sa 10 kumandidato sa pagkapangulo ngayong 2022. Hinihingi ito ng Comelec para malaman ang ginastos para sa isang halalan, kabilang ang mga donasyon at kung may sobra pa sa pondo. Meron kasing “spending limit” para rito.
Kinukumpirma pa naman sa Comelec kung natanggap na nila ang SOCE ng PFP pati na ng iba pang presidential candidates.
Dati nang inaakusahang nagpapatakbo ng “troll farms” — na nangangailan ng malaking pondo — si Marcos Jr. dahil sa mga naglipanang disinformation tungkol sa kanilang pamilya sa social media, bagay na kanyang itinatanggi.
Kilala ang pamilya Marcos para sa ill-gotten wealth lalo na noong panahon ng diktadurya ng kanyang amang si dating Pangulong Ferdinand Marcos Sr., bagay na kinikilala sa Supreme Court decisions noong 2003, 2012 at 2017.
Sa Miyerkules nakatakda ang deadline ng paghahain ng SOCE ng mga kumandidato, na siyang hindi na ie-extend ng Comelec.
Matatandaang iprinoklama ng Kongreso bilang susunod na pangulo si Marcos matapos umani ng 31.62 milyong boto. (Daris Jose)
-
BSKE, isang “litmus test” para sa functioning democracy sa Bangsamoro
PINURI ni Presidential peace adviser Carlito Galvez, Jr. ang matagumpay na pagdaraos ng lokal na halalan sa Bangsamoro Autonomous Region in Muslim Mindanao. Ani Galvez, nakapasa ang lokal na pamahalaan sa tinatawag na “litmus test of a well-functioning democracy.” Sa isang kalatas, pinasalamatan ni Galvez ang mga miyembro ng militar at […]
-
4,600 katao apektado ng bagyong ‘Florita’ habang libo mahigit lumikas
LIBU-LIBO na ang naapektuhan ng Severe Tropical Storm Florita habang marami pa ang lumikas na papunta sa loob at labas ng mga evacuation centers. Aabot na sa 4,646 katao na ang sinasabing nasalanta ng naturang bagyo, na ngayo’y nasa labas na ng Philippine area of responsibility, ayon sa tala ng National Disaster Risk […]
-
PBBM, tinurn over ang Balanga housing units sa 216 relocated families
PINANGUNAHAN ni Pangulong Ferdinand R. Marcos Jr. ang pag-turn over ng housing units sa 216 informal settler families sa Balanga, Bataan na naapektuhan ng cleanup at relocation operations sa hazard-prone areas. Ang relocated settlers ay nakatira noon sa kahabaan ng Talisay River. Ang Balanga City Low-Rise Housing Project ng National Housing Authority (NHA), matatagpuan sa […]